Дунё бўйлаб 29 апрель куни олинган қизиқарли суратларни тақдим этамиз.

АҚШнинг Кентукки штатидаги от пойгалари олдидан ювинтирилаётган тулпор.

Фото: Getty Images

Миробод туманидаги 3-сонли оилавий поликлиникада эмланган отахон. Ўзбекистонда коронавирусга қарши эмланганлар сони 650 минг кишига яқинлашди. 28 апрель кунидан бошлаб эса 65 ёшдан катталарни «Спутник V» вакцинаси билан эмлаш бошланди ва 29 апрель ҳолатига 65 ёшдан ошган 1255 киши ушбу вакцина билан эмланган.

Фото: «Дарё» / Мадина Нурман

Рио-Гранде дарёсидан Техас штатидаги Ла Жоя шаҳрига ўтиб олган мексикалик муҳожир ота фарзандини ўйнатмоқда.

Фото: Reuters

Нью-Деҳлида коронавирус оқибатида вафот этган инсоннинг яқинлари у билан видолашмоқда.

Фото: Reuters

Япониядаги Mori City лабораторияси ходими Токионинг 1:1000 масштабли моделига янги бино макетини қўшмоқда.

Фото: Reuters

Шавкат Мирзиёев Туркманистонга ташрифи якунида ёзилган ифторлик дастурхони устида дуо қилмоқда.

Фото: Президент матбуот хизмати

Танзания шимолидаги Натрон кўлида тўпланиб, ажойиб шакл ҳосил қилган фламинголар.

Фото: Legion Media

Хитойнинг Тянхе космик модулини фазога олиб чиқаётган Long March 5B ракетаси учирилиши вақтида миллий байроқни силкитаётган аёл.

Фото: EPA

Ливерпулдаги Сефтон боғида Blossoms indi гуруҳи шоу концерти учун ўрнатилган катта чодир. Бу шаҳардаги карантин чекловлари юмшатилгандан сўнг ижтимоий масофа ва ниқоб тақиш талаблари бўлмаган биринчи концерт.

Фото: ПА

Гонконгдаги боғда жойлашган дарахт кавагида ўтирган бойқуш боласи.

Фото: EPA

Чили пойтахти Сантьяго шаҳри марказида Flying Laughter масхарабозлик гуруҳи томонидан ташкил этилган Қизил бурунлилар сайлида қатнашаётган актриса. Гуруҳ COVID-19 сабаб жорий қилинган чекловларга риоя қилган ҳолда жамоат жойларида ўйин-кулги қилиш мумкинлигини кўрсатишни мақсад қилган.

Фото: АП

Андриан Мелка ўзининг Ёрк шаҳридаги уй студиясида капитан Сер Томас Мурнинг икки метрли лойдан ясалган ҳайкали устида иш олиб бормоқда. Қиролича Елизавета томонидан рицарлик унвони берилган Томас Мур 3 февраль куни 100 ёшида вафот этган. У шифокорларга ёрдам бериш мақсадида хайрия жамғармаси ташкил қилган ва 32 миллион фунт стерлингдан кўпроқ маблағ йиғган.

Фото: ПА

Колумбияда президент Иван Дуке Маркес томонидан тақдим этилган солиқ ислоҳотлари тўғрисидаги қонун лойиҳасига қарши норозилик намойиши пайтида ёнаётган автобус ёнидан ўтаётган одам.

Фото: Getty Images

Малайзиянинг Шоҳ Олам шаҳридаги масжидда намоз ўқиётган мусулмон.

Фото: Reuters

Ҳиндистоннинг Нью-Деҳли шаҳрида коронавирус қурбонларини оммавий ёқиш учун тайёргарлик кўрилмоқда.

Фото: Reuters

АҚШ вице-президенти Камала Харрис Вакиллар Палатаси Спикери Нэнси Пелоси билан тирсаклар орқали саломлашмоқда.

Фото: Reuters

Нью-Йоркда жойлашган Legoland тематик паркидаги шаҳарнинг кичик модели қад ростлаган павильонда ишлаётган ходимлар.

Фото: Reuters

Француз рассоми JRнинг иши Парижнинг янги Парадисо меҳмонхонасини безаб турибди. Меҳмонхона деворларида Чарли Чаплин киноларининг кадрлари акс этган.

Фото: EPA

Ҳиндистоннинг Нью-Деҳли шаҳридаги крематория майдонида коронавирус туфайли онаси вафот этган аёлга тасалли берилмоқда.

Фото: Reuters

Голландиянинг Лиссе шаҳридаги гул майдонларининг юқоридан кўриниши.

Фото: Reuters

Швейцариядаги Tour de Romandie 74-велосипед пойгасининг иккинчи босқичида гуллар билан бурканган майдон ёнидан ўтаётган спортчилар.

Фото: EPA

Ҳиндлар Нью-Деҳлида кислород баллонини тўлдириш учун навбатда туришибди.

Фото: EPA

Туркиядаги тўлиқ локдаун пайтида Анталия пляжи.

Фото: Getty Images

Туркия Европа Кенгашининг аёлларга нисбатан зўравонлик ва оиладаги зўравонликларнинг олдини олиш ҳамда уларга қарши кураш тўғрисидаги Истанбул конвенциясидан чиқишига қарши норозилик пайтида қизил пойабзал ва этиклар Германиядаги Қуйи Саксония парламенти биноси олдига қўйиб чиқилди. Ҳар бир пойабзал зўравонлик оқибатида вафот этган аёлни англатади.

Фото: Getty Images