Ижтимоий тармоқларда Apple компанияси 2021 йилда тақдим этиши режалаштираётган iPhone 13 mini’нинг илк «жонли» сурати пайдо бўлди, деб ёзади Hi-Tech.Mail.ru.
Олдинги линейкалар каби iPhone 13 ҳам тўртта смартфонни ўз ичига олади. Бироқ 2021 йил iPhone mini’ларнинг «сўнгги йўли»га айланиши мумкин.
Эълон қилинган суратда қурилма корпусининг орқа панелидаги ўзгаришлар тасвирланган. Камера модули iPhone 12 mini’даги каби квадрат кўринишга эга, бироқ iPhone 13 mini линзалари вертикал эмас, диагоналига жойлаштирилган.
Бундан ташқари, бутун модуль анча йирик линзаларни ўрнатиш имконини берадиган янги конструкцияга эга бўлган. Умуман олганда iPhone 13 mini ўзидан олдинги аждодидан қалинроқ кўринишга эга.
Таъкидланишича, суратдаги қурилма — бу фақат прототип бўлиб, смартфон бозорга чиққунига қадар ўзгариши мумкин.
Аввалроқ iPhone 13 Pro Max улкан камера ва бироз қалин корпусга эга бўлиши мумкинлиги тўғрисида хабар берилганди.
Изоҳ (0)