Ўзбекистонда коронавирусдан даволанаётганлар сони расман 2,8 мингдан ошди. ССВ уларнинг қанчаси оғир аҳволда эканлигини маълум қилмади
Ўзбекистонда 26 апрель куни коронавирус инфекциясини юқтириб олиш билан боғлиқ расман 275 та янги ҳолат қайд этилди — касалланиш ҳолатлари мамлакатнинг барча ҳудудларида аниқланган. Соғлиқни сақлаш вазирлиги ҳисоб-китобларига кўра, пандемия бошидан бери мамлакатда коронавирусга чалинган расман тасдиқланган шахслар сони 89 630 нафарга етди (ҳақиқий касалланганлар сони бундан бир неча баробар кўп бўлиши мумкин).
Янги касалланиш ҳолатларининг:- 4 таси Қорақалпоғистон Республикасида,
- 4 таси Андижон вилоятида,
- 2 таси Бухоро вилоятида,
- 5 таси Жиззах вилоятида,
- 6 таси Қашқадарё вилоятида,
- 3 таси Навоий вилоятида,
- 7 таси Наманган вилоятида,
- 35 таси Самарқанд вилоятида,
- 4 таси Сирдарё вилоятида,
- 4 таси Сурхондарё вилоятида,
- 3 таси Фарғона вилоятида,
- 2 таси Хоразм вилоятида,
- 55 таси Тошкент вилоятида,
- 141 таси Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Кеча кун давомида Қорақалпоғистон Республикасида 5 нафар, Бухоро вилоятида 10 нафар, Самарқанд вилоятида 14 нафар, Сирдарё вилоятида 9 нафар, Фарғона вилоятида 1 нафар, Хоразм вилоятида 2 нафар, Тошкент вилоятида 41 нафар, Тошкент шаҳрида 122 нафар бемор тузалиб, касалликдан соғайганлар жами 86 180 (кун давомида 204) нафарга етган, соғайиш кўрсаткичи 96 фоизни ташкил қилмоқда.
«Шунингдек, 1 нафар коронавирусга чалинган бемор вафот этиб, касалликдан вафот этганлар сони 646 нафарни ташкил қилди», — дейилади Соғлиқни сақлаш вазирлиги ахборотида (маълумот учун, «Дарё» нашри 2020 йил 22 сентябрига қадар юритган алоҳида статистика бўйича, қурбонлар сони камида 19 нафарга кўп).
Вазирликнинг хабар беришича, айни пайтда тиббиёт муассасаларида 2804 нафар бемор даволанмоқда, бироқ уларнинг қанча оғир аҳволда эканлиги маълум қилинмаган.
