O‘zbekistonda 26-aprel kuni koronavirus infeksiyasini yuqtirib olish bilan bog‘liq rasman 275 ta yangi holat qayd etildi — kasallanish holatlari mamlakatning barcha hududlarida aniqlangan. Sog‘liqni saqlash vazirligi hisob-kitoblariga ko‘ra, pandemiya boshidan beri mamlakatda koronavirusga chalingan rasman tasdiqlangan shaxslar soni 89 630 nafarga yetdi (haqiqiy kasallanganlar soni bundan bir necha barobar ko‘p bo‘lishi mumkin).
Yangi kasallanish holatlarining:- 4 tasi Qoraqalpog‘iston Respublikasida,
- 4 tasi Andijon viloyatida,
- 2 tasi Buxoro viloyatida,
- 5 tasi Jizzax viloyatida,
- 6 tasi Qashqadaryo viloyatida,
- 3 tasi Navoiy viloyatida,
- 7 tasi Namangan viloyatida,
- 35 tasi Samarqand viloyatida,
- 4 tasi Sirdaryo viloyatida,
- 4 tasi Surxondaryo viloyatida,
- 3 tasi Farg‘ona viloyatida,
- 2 tasi Xorazm viloyatida,
- 55 tasi Toshkent viloyatida,
- 141 tasi Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Kecha kun davomida Qoraqalpog‘iston Respublikasida 5 nafar, Buxoro viloyatida 10 nafar, Samarqand viloyatida 14 nafar, Sirdaryo viloyatida 9 nafar, Farg‘ona viloyatida 1 nafar, Xorazm viloyatida 2 nafar, Toshkent viloyatida 41 nafar, Toshkent shahrida 122 nafar bemor tuzalib, kasallikdan sog‘ayganlar jami 86 180 (kun davomida 204) nafarga yetgan, sog‘ayish ko‘rsatkichi 96 foizni tashkil qilmoqda.
“Shuningdek, 1 nafar koronavirusga chalingan bemor vafot etib, kasallikdan vafot etganlar soni 646 nafarni tashkil qildi”, — deyiladi Sog‘liqni saqlash vazirligi axborotida (ma’lumot uchun, “Daryo” nashri 2020-yil 22-sentabriga qadar yuritgan alohida statistika bo‘yicha, qurbonlar soni kamida 19 nafarga ko‘p).
Vazirlikning xabar berishicha, ayni paytda tibbiyot muassasalarida 2804 nafar bemor davolanmoqda, biroq ularning qancha og‘ir ahvolda ekanligi ma’lum qilinmagan.
Izoh (0)