«Ишдаги ишқ»даги Алиса Фрейндлих ва 40 ёшдан кейин машҳурликка эришган бошқа юлдузлар (фото)

Муваффақият ва ўз олдига қўйган мақсадларга эришиш учун ҳеч қачон кеч бўлмайди. Қуйида номи келтирилган юлдузларнинг ҳаёти эса бунинг яққол мисоли.

Ким Кетролл, 64 ёш

Бир-биридан қизиқ қаҳрамонларни гавдалантирган актрисанинг яқинда 65 ёшга тўлишини тасаввур қилиш қийин. Бундан 20 йил аввал экранларда кўриниш берган Ким 40 ёшида ҳам 20 яшар қизлар сингари гўзал ва латофатли кўринган.

Мелисса Маккарти, 50 ёш

Америкалик Мелисса Маккарти актрисаликдан ташқари, сценарий муаллифи ва продюсер сифатида ҳам яхши маълум. 2011 йилдаги суратга олиш жараёнларидан кейин машҳурликка эришган. У вақтларда Мелиссанинг кўринишидан уни 40 ёш эканлигини билиш осон бўлмаган.

Жан Рено, 72 ёш

1979 йилда суратга тушишни бошлаган актёр 1985 йилларда машҳурликка эришган ва бу вақтда 40 ёшда бўлган. Бугунги кунда Париж, Лос-Анжелес ва Малайзияда уйлари бор актёрни янги лойиҳага жалб қилиш учун режиссёрлар навбатда туради.

Юлия Ауг, 50 ёш

Бир қанча лойиҳаларда иштирок этиб улгурганига қарамай, актриса «Екатерина» сериали экран юзини кўрганидан кейин машҳурликка эришган. У вақтда 43 ёш бўлган Юлия қиролича Елизавета ролини гавдалантирган.

Морган Фримен, 83 ёш

Актёрга машҳурлик жуда кеч — 1989 йилда, у 52 ёшидалигида келган. «Дейзи хонимнинг ҳайдовчиси» фильмидаги ижроси омадли чиққанидан кейин унга режиссёрлар томонидан турли таклифлар келиши тўхтамаган.

Самюэль Л.Жексон, 71 ёш

Америкалик актёр ва продюсер Самюэль «Pulp Fiction» фильми экран юзини кўрганидан кейин машҳурликка эришган. У вақтда 46 ёш бўлган актёр шундан кейин бир қанча фильмларда рол ижро қилиб, кўплаб мукофотларни қўлга киритишга муваффақ бўлган. Айни вақтда 71 яшар Самюэль бугунги кунда ҳам ижроси билан мухлисларни хурсанд қилишда давом этади.

Алиса Фрейндлих, 85 ёш

Режиссёр Элдар Рязановнинг «Ишдаги ишқ» фильмидаги роли Алисанинг юлдузга айланишига сабаб бўлган. У бунга қадар ҳам суратга тушганига қарамай, айнан мазкур ролидан кейин нафақат Россия, балки боша совет мамлакатларида ҳам машҳурликка эришган. Шундан кейин «Калугина эффекти» деган тушунча пайдо бўлган ва ишга муккасидан кетган аёл-қизлар ташқи кўринишига эътибор бера бошлаган.

Стив Карелл, 58 ёш

Стив турли фильм ва шоуларда иштирок этганига қарамай, машҳурликка 43 ёшида эришган. Шундан кейин юлдузли карьераси бошланган Кареллнинг арсеналида бир қанча эсда қоларли роллар бор.