«Эшигимни қоқ» сериалининг бош қаҳрамонлари Ханде Эрчел ва Керем Бурсин Мальдив оролларига дам олиш учун жўнаб кетди. Шундан кейин мухлислар актёрлар буни инкор этишига қарамай, дарҳақиқат ўрталарида бир гап бор деган хулосага келди. Ижтимоий тармоқлар, хусусан,Instagram’да уларнинг сафари муҳокамаларга сабаб бўлди, томошабинлар юлдузлар ўз саҳифасига жойлаган суратларни кузатиб борди.
Ханде ва Керем қайси меҳмонхонада дам олаётганлари номини белгилаб қўйганидан кўпчилик жуфтлик реклама ҳисобига қимматбаҳо меҳмонхонада дам оляпти, деган фикрда тўхталди. Мухлислар учун ҳаммасидан ҳам жуфтликнинг бир-бирига бўлган муносабатларини тан олгани кутилмаган ҳолат бўлган.
Керем Instagram’да актрисанинг суратини жойлаб, унга «Гўзал манзарали гўзал жойда гўзал аёл билан», деб ёзиб қолдирган.
Бунга жавобан актёрнинг суратини жойлаган Ханде унга «Сен ҳам», деб Керемнинг Instagram саҳифаси номининг бошланишини ёзиб қолдирган.
Аввалроқ турк актрисаси Ханде Эрчел Instagram’даги обуначилари сони бўйича Неслиҳан Атагул ва Фаҳрие Эвженни ортда қолдиргани ҳақида хабар берилганди.
Изоҳ (0)