Кўпчилик болали бўлгандан кейин қомат ва гўзаллик аввалгидек бўлмайди деб ўйлайди. Аммо қуйидаги юлдузлар бу фикрларнинг ўзгаришига сабаб бўлади.
Ирина Шейк
Шундоқ ҳам гўзал бўлган россиялик супермодель қизи Леани дунёга келтирганидан кейин, айниқса, ҳуснига-ҳусн қўшилган. Фарзандли бўлгани карьерасига таъсир қилмаган моделга бугунги кунда аввалгидан ҳам талаб юқори.
Жессика Альба
Уч нафар фарзанди бор Жессика илк бор фарзандли бўлганида аввалгидан ҳам гўзаллашган. Суратга тушмай қўйгани ва шахсий бизнеси ва оиласи билан машғул эканига қарамай, у латофатини асло йўқотгани йўқ.
Меган Маркл
Соҳибжамол деб атаб бўлмайдиган Меган фарзанд кўрганидан кейин аввалгидан латофатлироқ кўринишга эга бўлган. Мухлислари бу унинг ички гўзаллиги билан боғлиқ деб фикр билдирган.
Ким Кардашьян
Тўрт нафар фарзандининг иккитасини ўзи дунёга келтиргани, икки марта суррогат она ёрдамидан фойдаланганига қарамай, оналик унинг кўринишини яхши томонга ўзгаришига сабаб бўлганини инкор қилиб бўлмайди.
Холли Берри
Холли илк марта 42 ёшида она бўлган. Юлдуз туғруқ жараёнидан кейин қомати аввалгидек бўлмаслигидан қўрққан. Аммо тўлишиш унга ярашган ва аввалгидан гўзалроқ кўринишга эга бўлган.
Алессандра Амбросио
Супермодель болали бўлганидан кейин янада гўзаллашганини ўзи ҳам билади. Бунга мунтазам равишда спорт билан шуғулланиши, болалари дунёга келгунига қадар эса бундай бўлмаганини таъкидлайди.
Вера Бережнова
Икки нафар фарзанди бор эканига ишониш қийин бўлган Вера ҳар доим ҳам бундай гўзал бўлмаган. Қомати тўлароқ бўлган ва кўзойнак таққан. Саҳнада чиқиш учун спорт билан шуғулланиши ва кўзойнагини ташлашига тўғри келган. 2009 йилда иккинчи марта она бўлганида қайта семириб кетган хонанда мунтазам равишда жисмоний фаол бўлиш ва рационига ўзгартириш киритиш орқали муаммога ечим топган.
Полина Гагарина
Полина 2003 йилги «Юлдузлар фабрикаси»да ғолибликни қўлга киритганда тўла ва ҳозиргидан анча бошқача кўринишда бўлган. Болали бўлганидан кейин эса яна 40 кило тўплаган. Узоқ вақт давомида экранда кўриниш бермаган ва вазн ташлаш билан машғул бўлган. Икки нафар фарзанди бўлган хонанда ҳозирги кунда эса ҳар қачонгидан ҳам латофатли.
Максим
Ўз вақтида ёшлар орасида етарлича машҳур бўлган хонанданинг ташқи кўринишига назар ташлаб, унинг икки нафар фарзанди борлигига ишониш қийин. Унинг ҳамиша ёш ва ўзига хос кўринишининг сири мунтазам равишда спорт билан шуғулланиши ва фаол ҳаёт кечиришида. У спортнинг бокс тури билан шуғулланади.
Изоҳ (0)