Футбол бўйича Ўзбекистон Кубогининг 2-туридан ўрин олган бир қатор ўйинлар 24 апрель, шанба куни бўлиб ўтди.
«Локомотив» ўз майдонида «Турон»ни қабул қилди ва 2:0 ҳисобидаги ғалаба тантана қилди. Голларга Марат Бикмаев ва Азизбек Омонов муаллифлик қилди.
«Андижон» «Арал Самали» майдонида меҳмон бўлди. Беллашувда томонлар муроса йўлини танлади. Мезбонларнинг голига Наврўзбек Олимов муаллифлик қилган бўлса, водийликлар сафида Абдулҳай Исмоилов ўз номига гол ёздириб қўйди.
«Насаф» ўз майдонида Биринчи Лига вакили «Рубин»ни қабул қилиб, рақиб дарвозасига жавобсиз 4 та тўп киритди. «Аждарлар»нинг голларига Абубакр Ризо Турдиалиев, Муродбек Хўжамбердиев, Сардор Саъдуллаев ва Шоҳмалик Комилов муаллифлик қилди. Қайд этиш ўринли, «Рубин» 1-турда «Бунёдкор»дан жавобсиз 10 та гол ўтказиб юборганди.
«Бундкор» Тошкентда «Сўғдиёна»ни меҳмон қилди. Ўйин тезкор гол билан бошланди. 3-дақиқада Даниэль Насриддинов жиззахликларни ҳисобда олдинга олиб чиқди, 65-дақиқага келиб эса Шаҳбоз Жўрабеков ўз дарвозасига гол уриб, мувозанат тикланишига сабаб бўлди.
Мусобақанинг 2-туридан ўрин олган қолган ўйинлар 25—26 апрель кунлари бўлиб ўтади.
Ўзбекистон Кубоги
Гуруҳ босқичи, 2-тур баҳслари
Изоҳ (0)