УЕФА президенти Александер Чеферин Европа Суперлигаси аъзолигидан чиқмаган клублар ҳақида гапирди.
Associated Press нашрининг хабар қилишича, «Реал», «Барселона», «Ювентус» ва «Милан» клублари лойиҳани тарк этмаган.
«Ҳаммаси аён, клублар Суперлига ёки Европани танлаши керак. Агар улар ‘Биз Суперлигадамиз’ деса, у ҳолда, албатта Чемпионлар Лигасида иштирок этмайди. Агар улар бунга тайёр бўлса, ўзининг мусобақасида бемалол ўйнайвериши мумкин», — дейди Чеферин.
Аввалроқ АПЛнинг олти клуби, «Атлетико» ва «Интер» Суперлигани тарк этишини маълум қилганди. «Милан» ва «Ювентус» эса айни дамда лойиҳани амалга оширишнинг иложи йўқлиги ҳақида баёнот берганди. «Барселона» эса яқинда Суперлига аъзолигидан чиқмаслигини маълум қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)