Қашқадарё вилояти Қарши туманидаги автомобилларга газ қуйиш шохобчасида Nexia-1’га ўрнатилган газ баллони портлаб кетди, деб хабар беради ФВВ матбуот хизмати.
22 апрель куни соат 07:07 да содир бўлган кўнгилсиз ҳодиса оқибатида бир киши ҳалок бўлган. Шохобчанинг бир нафар ишчисига жароҳат етган бўлиб, у Республика шошилинч тез тиббий ёрдам илмий марказининг Қашқадарё филиалига ётқизилган.
Вилоят ИИБ, ФВБ, соғлиқни сақлаш бошқармаси ва прокуратураси ҳолат юзасидан дастлабки терговолди суриштирув ишлари олиб борилмоқда.
Шунингдек, Сирдарёда метан заправкада турган Damas’нинг газ баллони, Бухорода кўчада ҳаракатланиб кетаётган «Жигули»нинг газ баллони, Бухорода Matiz’нинг газ баллони портлаши оқибатида машиналарга зарар етганди.
Изоҳ (0)