Qashqadaryo viloyati Qarshi tumanidagi avtomobillarga gaz quyish shoxobchasida Nexia-1’ga o‘rnatilgan gaz balloni portlab ketdi, deb xabar beradi FVV matbuot xizmati.
22-aprel kuni soat 07:07 da sodir bo‘lgan ko‘ngilsiz hodisa oqibatida bir kishi halok bo‘lgan. Shoxobchaning bir nafar ishchisiga jarohat yetgan bo‘lib, u Respublika shoshilinch tez tibbiy yordam ilmiy markazining Qashqadaryo filialiga yotqizilgan.
Viloyat IIB, FVB, sog‘liqni saqlash boshqarmasi va prokuraturasi holat yuzasidan dastlabki tergovoldi surishtiruv ishlari olib borilmoqda.
Shuningdek, Sirdaryoda metan zapravkada turgan Damas’ning gaz balloni, Buxoroda ko‘chada harakatlanib ketayotgan “Jiguli”ning gaz balloni, Buxoroda Matiz’ning gaz balloni portlashi oqibatida mashinalarga zarar yetgandi.
Izoh (0)