Альваро Монторо исмли техаслик дастурчи реал вақт режимида Amazon раҳбари Жефф Безоснинг даромадини ҳисоблайдиган онлайн калкуляторни яратди, деб хабар беради Meduza.
Сайтга ҳисоблагич ўрнатилган бўлиб, унинг остида «Ушбу саҳифага кирганингиздан буён Жефф Безос мана шунча ишлаб топди» дея изоҳ битилган. Шундан сўнг турли ранглардаги эслатмалар пайдо бўлади: «50 сония. Тўлиқ жамланмали Tesla Модель S’ни харид қилишга етади (182 минг доллар)». Ёки «110 сония. Бу АҚШ президентининг бир йиллик маошидан кўп (400 минг доллар)».
Монторо ўз ҳисоб-китобларини амалга оширишда Bloomberg ва BuzzFedd маълумотларидан фойдаланган — уларга кўра, Безос ҳар сония 3605 доллар ишлаб топади.
Аввалроқ Amazon асосчиси Жефф Безос 2021 йилнинг учинчи чорагида компания бош директорлиги лавозимидан кетиши ва директорлар кенгашининг ижрочи раиси бўлиши ҳақида хабар берилган эди. Унинг ўрнини 1997 йилдан бери Amazon’да ишлаб келаётган ва Amazon Web Services’ни бошқарадиган Энди Жесси эгаллайди.
Изоҳ (0)