Анжелина Жоли Брэд Питт билан ажрашиши карьерасига қандай таъсир қилганини сўзлаб берди

Голливуднинг юлдузли жуфтлиги Анжелина Жоли ва Брэд Питтнинг болаларига васийлик қилиш билан боғлиқ судлашиш жараёнлари 5 йилдан ортиқ вақтдан буён давом этмоқда.

Собиқ эри билан тортишувлар актрисага ёмон таъсир қилган ва севимли ишини ташлашига тўғри келган. «Мен режиссёрликни яхши кўраман, аммо оиламда бир неча йиллар давомида режиссура билан шуғуллана олмаслигимга сабаб бўладиган ўзгаришлар содир бўлди. Қисқа муддатда бажарса бўладиган ишлар билан шуғулланишим, уйда кўпроқ бўлишимга тўғри келгани учун актёрликка қайтдим», — деган Жоли.

«Синмас ирода», «Улар отамни ўлдирдилар» сингари фильмларида ўзини режиссёр сифатида синаб кўрган Анжелина айни вақтда карьера борасида актрисалик билан шуғулланмоқчи. Entertainment Weekly яқин орада унинг ижросидаги «Менга ўлим тилаганлар» фильми экран юзини кўришини хабар беради.

Актриса отасининг айтишича, қизининг ажрашишини асосий сабаби спиртли ичимликлар билан боғлиқ бўлган. Аввалроқ айрим манбалар Брэд Питт навбатдаги судлашиш масалалари сабаб ғамга ботганини маълум қилган. Актёр олти боласи у билан қолишни истамаслиги ҳақида овоза бўлганидан қайғуга ботган. Жоли актёр унга қўл кўтарганини исботлашга уринган, Брэд шифохонага кетган ва унинг ногиронлар аравачасидаги сурати тарқалган.