Юз парвариши ва макияж учун воситалар ишлаб чиқариш билан шуғулланиб, муваффақиятга эришган мода ва шоу-бизнес вакиллари ҳақида маълумот бериб ўтамиз.
Иман
Америка топ модели шоусининг иштирокчиси модель Иман 1994 йилда Iman Cosmetics компаниясига асос солган. Аввалига турли ирқ вакили бўлган (тери ранги турли) қизларга мўлжалланган тональ крем ишлаб чиқарилган. Бугунги кунда тармоқда парвариш ва макияж учун турли маҳсулотлар мавжуд.
Синди Кроуфорд
90 йилларнинг яна бир машҳур топ модели Синди Кроуфорд таниқли косметолог Жан-Луи Себа билан ҳамкорликда Meaningful Beauty’га асос солган. Француз мутахассиси томонидан ишлаб чиқилган формула антиоксидантлар комплексини ўз ичига олган. Ҳар бир аёл терисини сифатли парвариш қилишга ҳақли деб ҳисоблайдиган Синди, косметикаларига ҳаммабоп нарх белгилаган.
Дрю Берримор
2007 йилда актриса Дрю Бэрримор CoverGirl косметик брендининг юзи бўлишга рози бўлган. 2012 йилда эса FlowerBeauty компаниясини сотиб олган. Ишлаб чиқариш жараёнининг барча босқичини назорат қиладиган Дрю, унинг рекламаси билан ҳам ўзи шуғулланади. Юқори сифат ва чўнтакбоп нархлар бренднинг асосий принципи ҳисобланади.
Миранда Керр
Victoria’s Secret модели Миранда Керр 2009 йилда KORA Organics косметикасини ишлаб чиқара бошлаган. 100 фоиз органик компонентлардан тайёрланадиган воситалар сотувга чиқаришдан аввал ҳайвонларда синалади.
Жессика Альба
Жессика Альба 2011 йилда The Honest Company’га асос солган. Аввалига таглик кейинчалик болалар учун буюмлар, витамин, қуёшдан ҳимоя қилувчи воситалар ишлаб чиқарилган. 2015 йилда эса алоҳида косметик бренд Honest Beauty ташкил қилган. У парвариш учун мўлжалланган 17 та, макияж учун мўлжалланган 66 та воситани ўз ичига олади. Жессика нафақат актрисалик, балки бизнесда ҳам етарлича муваффақиятга эришган. 2015 йилда бизнесдан орттирган даромади 1 миллиард долларни, шахсий молиявий аҳволи эса 200 миллионни ташкил қилган. Шу йилнинг июнь ойида унинг сурати Forbes журналининг муқовасида чоп этилган.
Опа-сингил Кардашьянлар
2015 йилда Кортни, Ким ва Хлоя Кардашьянлар Kardashian Beauty номли соч парвариш воситаларини ишлаб чиқарган. Фойдали ёғ кислоталари ва антиоксидантларга бой намлантирувчи ёғлар сочнинг қалин ва жилокор кўринишига сабаб бўлади. Кайли эса Kylie Cosmetics брендини ташкил қилган. Бугунги кунда мазкур маҳсулотлар ижтимоий тармоқ ва сайт орқали сотилади. Компания томонидан, шунингдек, тень, подводка, хайлайтер ва консилер ишлаб чиқарилади.
Рианна
Хонанда 2017 йилда Fenty Beauty брендига асос солган. Макияж учун мўлжалланган воситалар орасида айниқса 40 хил ранги мавжуд тональ крем машҳурликка эришган.
Алла Пугачёва ва Филипп Киркоров
90 йилларда Алла уч хил атир: Alla Black, Miss ва Primadonna’ни тақдим қилган. Alla Black атирининг 100 минг флакони бир зумда сотилган. 2016 йилда эса Филипп Киркоров «Я» номли аёллар ва эркакларга мўлжалланган атир тақдим қилган.
Изоҳ (0)