Макияждаги қандай хатолар кўзларни кичик кўрсатишига сабаб бўлиши ҳақида тўхталиб ўтамиз.
Кўз рангига мос тен танлаш
Кўз рангидагидек тен суртиш урфдан қолганига анча бўлган. Мовий кўзларга мовий, жигарранг кўзларга жигарранг тен суртишни кўнглингиз истаса, қовоқнинг ташқи бурчагига тўқ подводка суртишни унутманг.
Кўзнинг тагини қора қалам билан бўяш
Кўзнинг пастки қисмига қалам ёки подводка суртиш тавсия қилинмайди. Кундалик образ учун айни муддао бўлмаган мазкур усул кўзлар қисиқ ва кичик кўринишига сабабчи бўлади.
Кўзга қалам суртилганидан кейин унинг устидан бўямаслик
Кўзнинг тагига қалам суртгандан кейин уни бир чизиқ бўлиб турмаслиги учун бўёқни тарқатиб, сингдиришга ҳаракат қилиш керак. Бунинг ҳисобига кўзлар кичик, нигоҳлар эса ўқрайгандек кўринади.
Кўзнинг юқори қисмидаги киприкларни қайрилтирмаслик
Туш суртишдан аввал киприкларни қайрилтириш уларни қалин ва узун кўринишига сабаб бўлади. Натижада кўзлар катта ва нигоҳлар порлоқ кўринади.
Кўзларни «смоки-айс» усулида бўяш
Бундай макияж кўзларни катта кўрсатади деб ўйласангиз янглишасиз. Кўз шаклига урғу бериши мумкин, аммо катта кўрсатмаслиги аниқ. Бунинг ўрнига кумуш ранг бўёқдан фойдаланиш ва киприкларга туш суртиш тавсия қилинади.
Ҳаддан ортиқ оч рангли консилердан фойдаланиш
Аксарият ҳолларда кўз остидаги ҳалқаларни яшириш учун оч консилердан фойдаланилади. Аммо бу кўзларнинг аслидан кичик кўринишига сабабчи бўлади.
Тўқ, ялтирамайдиган тенлардан фойдаланиш
Товланмайдиган тўқ рангли тен суртиш кўзларни катта кўрсатмайди. Ундан подводка ўрнига фойдаланишингиз мумкин, аммо қовоқларга тен сифатида сурта кўрманг.
Изоҳ (0)