Ўзбекистон «Чегара билмас мухбирлар» (Reporters Without Borders) халқаро нодавлат ташкилоти томонидан тузилган матбуот эркинлиги рейтингида ўтган йилгига нисбатан бир поғона пастлаб, 157-ўринни эгаллади, дея хабар бермоқда «Gazeta.uz».
Ушбу рейтингда Норвегия кетма-кет бешинчи йил етакчига айланмоқда. Ундан кейинги ўринларда Финляндия, Швеция, Дания ва Коста-Рика давлатлари турибди. Шунингдек, кучли ўнликдан Нидерландия, Ямайка, Янги Зеландия, Португалия ва Швейцария мамлакатлари ўрин олган.
МДҲ давлатлари орасида етакчи мамлакатлар сифатида 15-ўринни Эстония, 22-ўринни Латвия, 28-ўринни Литва давлатлари олган.
Марказий Осиё давлатларидан эса 79-ўринни Қирғизистон, 155-ўринни Қозоғистон, 162-ўринни Тожикистон, 178-ўринни Туркманистон эгаллаб турибди.
Бундан ташқари, рейтингда Россия 150-ўриндан жой олган. Энг охирги, 180-ўринда эса Эритрея мамлакати турибди.
Эслатиб ўтамиз, 2020 йилда Ўзбекистон ушбу кўрсаткич бўйича тўрт поғона юқорилаб, 157-ўринни эгаллаган эди. 2019 йилда эса мамлакат 160-ўринда қайд этилган.
Изоҳ (0)