Ўзбекистонда 2021 йилнинг январь—март ойларида жами 44 454 дона енгил автомобиль ишлаб чиқарилди. Давлат статистика қўмитаси маълумотларига кўра, ўтган йилнинг мос даврида 75 635 дона автомобиль ишлаб чиқарилган эди.
Қўмита маълумотларида қайд этилишича, юк автомобиллари ишлаб чиқариш ҳажми ҳам пасайган. Республикада 2021 йил январь–март ойларида жами 891 дона юк автомобиллари ишлаб чиқарилган. Бу кўрсаткич 2020-илнинг мос даври (1014 дона) билан таққослаганда 12,1 фоизга кам.
Бундан ташқари, мамлакатда 2021 йилнинг январь—март ойларида 147 дона автобус ишлаб чиқарилган бўлиб, ушбу кўрсаткич ўтган йилнинг мос даврига нисбатан 52,9 фоизга пасайган.
Давлат статистика қўмитаси маълумотларига кўра, автомобиль ишлаб чиқариш саноатида 2021 йилнинг январь—март ойларида энг кўп — 12 682 дона Cobalt ишлаб чиқарилган.
Қолган машиналар улуши эса қуйидагича:
- Damas — 12 051 дона;
- Lacetti-Gentra — 8 399 дона;
- Nexia Т-250 — 6 958 дона;
- Labo — 2 564 дона;
- Spark — 1 800 дона.
Изоҳ (0)