Беларусь президенти Александр Лукашенкога суиқасд тайёрлашда АҚШнинг иштироки борлиги ҳақидаги хабарлар «мутлақо ёлғон». Бу ҳақда АҚШ Давлат департаменти вакилининг сўзларига таяниб, «РБК» хабар берди.
«Биз Россия давлат оммавий ахборот воситаларида Александр Лукашенкога қарши фитна уюштирилгани тўғрисидаги хабарларни ҳамда Лукашенконинг бу ҳақдаги ОАВда тўғридан-тўғри баёнотларини кўрдик. Бунинг ортида АҚШ ҳукумати турган ёки Лукашенконинг ўлдирилишига уриниш бўлган, деган ҳар қандай тахмин мутлақо ёлғондир», — деди департмент вакили.
17 апрель куни Лукашенка ўзи ва болаларининг ҳаётига таҳдид яқинлашиб келаётгани ҳақида баёнот берган. Президентнинг сўзларига кўра, операция Америка махсус хизматлари томонидан қўллаб-қувватланган, улар эса ўз навбатида АҚШ «юқори сиёсий раҳбарияти» томонидан буюртма қилинган.
Шунингдек, республика давлат хавфсизлиги тергов бўлими бошлиғи Константин Бйчек ОНТ телеканалида АҚШ фуқаролигига эга беларуслик адвокат Юрий Зенкович тўнтаришнинг асосий ташкилотчиси деб топилганини айтган. «Олинган маълумотларга кўра, Зенкович, АҚШ разведка хизматларига алоқадор бўлган. Беларусь ҳудудида у текширувлар ўтказган, амалдаги ҳукуматни зўрлик билан ағдаришда иштирок этишга тайёр қуролли кучлар ва ҳуқуқни муҳофаза қилиш органлари ҳарбий хизматчиларини пул мукофоти учун ёллашга ва пора беришга уринган», — деди у.
Бйчекнинг сўзларига кўра, тергов бўлими Зенковичнинг ҳарбийлар ва «бошқа террористик гуруҳлар» аъзолари билан учрашувларини ҳужжатлаштирган. «Биз яширин операциялар орқали ҳарбий хизматчиларга ноқонуний пул мукофотларини ўтказиш бўйича иккита ҳолатни қайд этдик», — деди у.
Ундан ташқари, Лукашенконинг айтишича, давлат тўнтариши ва суиқасд уюштиришда Беларусь Халқ фронти мухолифат партияси раҳбари Григорий Кастусев ҳам иштирок этган. Бир неча кун олдин Костусев ҳибсга олинган ва тергов изоляторига жойлаштирилган.
Беларусда жиноят кодексининг 357-моддаси (фитна ёки конституцияга зид равишда ҳокимиятни эгаллашга қаратилган бошқа ҳаракатлар) бўйича жиноий иш қўзғатилди. Бйчекнинг сўзларига кўра, республикада биринчи бор мазкур модда бўйича жиноий иш очилган. Ушбу модданинг 1-қисмига биноан жазо (ҳокимиятни эгаллашга ёки одамларнинг ўлимига олиб келмаган фитна) саккиз йилдан 12 йилгача озодликдан маҳрум қилишни назарда тутади.
«АҚШдан учиб келган ‘агентлар’ ниҳоят Москвада қўлга олинди», — деб таъкидлади Лукашенко. Унинг баёнотидан сўнг, Россия ФХБ Москвада Зенковични ва беларуслик Александр Федутни ҳибсга олгани ҳақида хабар берган эди. ФХБ маълумотларига кўра, улар шаҳарга АҚШ ҳамда Польшадаги маслаҳатлашувлардан кейин Беларусь қуролли кучларининг мухолифат томонга ўтган генераллари билан учрашиш учун келган. Таъкидланишича, улар Беларусда «маҳаллий ва украиналик миллатчиларни жалб қилган ҳолда ишлаб чиқилган ранг-баранг инқилоблар сценарийси бўйича» ҳарбий тўнтаришни ҳамда Лукашенконинг ҳаётига суиқасд қилишни режалаштиришган.
ФХБнинг оператив кадрлари «Россия 1» телеканали томонидан намойиш этилди. Хусусан, уларда баъзи Беларусь генераллари билан учрашувда гумонланувчилар тўнтаришдан кейин Беларусь Польша тажрибасига кўра «ўсиб бораётган демократия»нинг инкубаторига айланиши кераклигини таъкидлагани, айтилган. «Чунки агар ҳозир сайловлар ўтказилса, у ҳолда Лукашенконинг ўрнига унинг ўғли сайланади. Ва яна 25 йил давомида ҳеч нарса ўзгармайди», — деган Зенкович. Бундан ташқари, ФХБ маълумотларида гумонланувчилар президентни лавозимидан четлаштириш ва унинг мол-мулкини эгаллаш режаларини эълон қилгани айтилган.
Ўз навбатида, президетнлик сайловларида Лукашенкога ютқазган, Беларусь мухалифати етакчиси Светлана Тихановский президентга яқинлашиб келаётган суиқасд ва давлат тўнтариши ҳақидаги Беларусь ва АҚШ фуқароларини ўзига қаратган хабарларда россияликлар ва Беларусь махсус хизматлари томонидан уюштирилган провокация аломатлари борлигини таъкидлаган.
Изоҳ (0)