Саратонни вақтида аниқлаш унинг ривожланиб кетиши, бемор учун эса даволаниш имконсиз бўлишининг олдини олади. Бунинг учун мутахассисга мурожаат қилиш билан бирга, мустақил равишда ҳам текширувлар ўтказиб туриш керак.
Холлар
Тери саратони энг мураккаб касалликлардан бири ҳисобланади. Аксарият ҳолларда терида намоён бўладиган ўзгаришлар касаллик ривожланаётганидан дарак беради. Шу сабаб ҳам пайдо бўлган холларга эътиборли бўлиш керак. Қуйидагилар аниқланганда эса шифокорга мурожаат қилиш керак:
- диаметри 6 миллиметрдан катта бўлган хол ёки холсимон доғлар;
- носимметрик холлар;
- ноодатий рангдаги холлар;
- тери устидаги ҳар қандай ўсмалар;
- қолаверса, сизда холларга алоқаси бўлмаган меланома симптомлари йўқлигига ишончингиз комил бўлсин.
Шифокорлар 50 ёшдан кейин икки йилда бир марта маммография текширувидан, зарур бўлганда эса УЗИ (ультратовушли текширув)дан ўтиш кераклигини таъкидлайди. Қолаверса, ғайритабиий ўзгаришлар сезилганда шифокорга мурожаат қилишни ёддан чиқармаслик лозим.
Вазнни ўлчаб туриш
Вазнни мунтазам равишда ўлчаш ва ундаги ўзгаришларга эътибор қаратиш ҳам саратон профилактикасининг муҳим усули ҳисобланади. Гап шундаки, қўққисдан ва тушунарсиз озиб кетиш ошқозон, ичак, бачадон, ўпка саратонидан далолат бериши мумкин. Рацион ва турмуш тарзида ўзгариш бўлмаган тақдирда ҳам вазн ташлаш кузатилиши шифокорга боришни кечиктирмаслик учун жиддий сабаб бўла олади. Шу сабаб ҳам бефарқ бўлмаслик, ҳафтада бир марта тарозига чиқиб вазнни назорат қилиб туриш лозим.
Изоҳ (0)