Россия Ички ишлар вазирлиги МДҲ давлатларидан келиб, Россияда ноқонуний равишда юрган муҳожирларни 15 июнга қадар мамлакатни тарк этишларини талаб қилмоқда. Бу ҳақда Ҳамдўстликнинг Парламентлараро ассамблеяси йиғилишида бўлим бошлиғининг ўринбосари Александр Горовойга таяниб «РИА Новости» хабар қилди.
Вазир ўринбосари келтирган Ички ишлар вазирлигининг статистик маълумотларига кўра, бугунги кунда Россияда 332 мингдан зиёд Ўзбекистон фуқароси, 247 минг Тожикистон фуқароси, 152 минг Украина фуқароси, 120 минг Озарбайжон фуқароси, 115 минг Қирғизистон фуқароси, 61 минг Арманистон фуқароси, 56 минг Молдова фуқароси, 49 минг Қозоғистон фуқароси ноқонуний мигрант ҳисобланади.
«Агар биз ушбу рақамни 15 июнга қадар йўқотмасак, ... бу одамлар мамлакатдан чиқариб юборилади ва улар учун чегаралар ёпилади», – дея таъкидлади Горовой.
Вазир ўринбосари ушбу муаммони оммавий ахборот воситалари ва маҳаллий блогерлар ёрдамида ҳал қилишни тавсия қилди.
Россия президенти фармони билан қолган чет елликлар Россияда қолиш ёки яшаш ҳуқуқи, рўйхатдан ўтиш муддати ва уларнинг ҳуқуқий мақомини ҳал қилиш бўйича ва бошқа чоралар 2021 йил 15 июнигача узайтирилган.
Бундан аввал Ўзбекистонга январь—март ойларида хориждан 1 млрд 420 млн доллар пул жўнатилгани, Ўзбекистонда йил бошидан буён 10 мингга яқин киши ишлаш учун хорижга чиқиб кетгани ҳамда хорижда пулсиз қолган Ўзбекистон фуқароларига бериладиган қарз миқдори маълум қилингани ҳақида хабар берилганди.
Изоҳ (0)