Rossiya Ichki ishlar vazirligi MDH davlatlaridan kelib, Rossiyada noqonuniy ravishda yurgan muhojirlarni 15-iyunga qadar mamlakatni tark etishlarini talab qilmoqda. Bu haqda Hamdo‘stlikning Parlamentlararo assambleyasi yig‘ilishida bo‘lim boshlig‘ining o‘rinbosari Aleksandr Gorovoyga tayanib “RIA Novosti” xabar qildi.
Vazir o‘rinbosari keltirgan Ichki ishlar vazirligining statistik ma’lumotlariga ko‘ra, bugungi kunda Rossiyada 332 mingdan ziyod O‘zbekiston fuqarosi, 247 ming Tojikiston fuqarosi, 152 ming Ukraina fuqarosi, 120 ming Ozarbayjon fuqarosi, 115 ming Qirg‘iziston fuqarosi, 61 ming Armaniston fuqarosi, 56 ming Moldova fuqarosi, 49 ming Qozog‘iston fuqarosi noqonuniy migrant hisoblanadi.
“Agar biz ushbu raqamni 15-iyunga qadar yo‘qotmasak, ... bu odamlar mamlakatdan chiqarib yuboriladi va ular uchun chegaralar yopiladi”, – deya ta’kidladi Gorovoy.
Vazir o‘rinbosari ushbu muammoni ommaviy axborot vositalari va mahalliy blogerlar yordamida hal qilishni tavsiya qildi.
Rossiya prezidenti farmoni bilan qolgan chet yelliklar Rossiyada qolish yoki yashash huquqi, ro‘yxatdan o‘tish muddati va ularning huquqiy maqomini hal qilish bo‘yicha va boshqa choralar 2021-yil 15-iyunigacha uzaytirilgan.
Bundan avval O‘zbekistonga yanvar—mart oylarida xorijdan 1 mlrd 420 mln dollar pul jo‘natilgani, O‘zbekistonda yil boshidan buyon 10 mingga yaqin kishi ishlash uchun xorijga chiqib ketgani hamda xorijda pulsiz qolgan O‘zbekiston fuqarolariga beriladigan qarz miqdori ma’lum qilingani haqida xabar berilgandi.
Izoh (0)