Жонс Ҳопкинс университети маълумотларига кўра, дунёда пандемия бошидан буён COVID-19’га чалинганлар сони 138 302 131 кишига етди. Вафот этганлар сони эса 2 973 874 кишини ташкил қилмоқда. Касалланганлар сони бўйича ҳамон АҚШ (31,4 миллион), Ҳиндистон (14 миллион), Бразилия (13,6 миллион), Франция (5,2 миллион) ва Россия (4,6 миллион) етакчилик қилмоқда.
Буюк Британиядан кейинги, еттинчи ўринда турган Туркияда эса коронавирусни юқтирганлар сони 4 миллиондан ошиб кетди. 14 апрель ҳолатига кўра, сўнгги бир кеча-кундузда мамлакатда COVID-19’ни юқтириб олганлар сони бўйича рекорд қайд этилди — 62 797 кишида вирус аниқланди, шунингдек, беморларнинг 279 нафари вафот этди — бу ҳам рекорд кўрсаткич ҳисобланади.
Апрель бошидан буён коронавирусга чалинганлар сонининг суткалик ўсиши бўйича рекорд саккиз марта янгиланди. Сўнгги марта бу 13 апрель куни қайд этилганди (59 187 киши).
Мавзуга доир: Туркияда карантин чекловлари кучайтирилди. Мамлакатда коронавирусга чалиниш бўйича суткалик антирекорд янгиланди
«Биз касалланишнинг экспоненсиал ўсиш шароитида эмаслигимиз аниқ, баъзилар айнан шундан хавфсираган эди. Биз аниқ бундай вазиятда эмасмиз. Ва балки, айни пайтда биз авж нуқтадан ўтиб бўлгандирмиз, аммо бу маълумот тасдиқланиши керак», — деди Бельгия бош вазири Александр Де Кроо ҳудудий ва федерал ҳукуматлар раҳбарларидан иборат мувофиқлаштириш қўмитаси мажлисидан кейин. Шу билан бирга, у вирус ҳали аҳоли орасида кенг тарқалиб турганини қўшиб қўйди. Шунга қарамай, қўмита узоқ давом этган мунозаралардан кейин, инфекция билан боғлиқ вазият устидан ўрнатилган назорат туфайли COVID-19’га қарши режимни юмшатиш чоралари кўрилиши мумкин, деган қарорга келди.
Хусусан, 19 апрелдан бошланғич мактаб ва ўрта мактабнинг пастки синфларида одатий дарслар тикланади, 26 апрелдан барча дўконлар тўлиқ очилади, 8 майдан эса ресторан ва кафелар мижозларни очиқ айвонларда қабул қилиши мумкин бўлади.
Швейцарияда ҳам чеклов чоралари юмшатилиб, 19 апрелдан жамоатчилик тадбирлари, шу жумладан, иншоотлардаги спорт ва маданий тадбирлар ўтказишга рухсат берилади. Ресторанлар ҳам келаси ҳафтадан айвонларини очади.15 апрелдан ҳар қандай транспорт воситасида ёки пиёда ўз мамлакатига қайтаётган Россия фуқароларининг барчаси коронавирусга тест топшириши керак. Бу ҳақда «Роспотребнадзор» маълум қилди. Бунгача тест топшириш фақат самолётда учиб келганлар учун мажбурий эди. Чегарани қуруқлик орқали босиб ўтишда у талаб этилмас эди.ПЗР-тест уч календарь куни ичида топширилиши ва натижалар «Давлат хизматлари» порталига юкланиши керак. Тест жавоби чиққунича ўз-ўзини яккалаш режимига ўтиш лозим.
Мавзуга доир: Россия ҳукумати Туркия билан авиақатновларни бекор қилди
«Бугунги кунда вакцина олгандан кейин (биринчи ва иккинчи босқичларини) коронавирус инфекциясига чалиниш билан боғлиқ 16 та ҳолат қайд этилган. Ушбу ҳолатлар ичидаги энг кеч сана — вакцинанинг иккинчи дозасини олгандан кейинги тўртинчи ҳафта», — дея маълум қилишди қўмитада. Таъкидланишича, вакцинациядан кейинги коронавирусга қарши иммунитет иккинчи компонентни олган вақтдан бошлаб олти ҳафта ўтгач шаклланади.
АҚШнинг Johnson & Johnson компанияси ўзининг COVID-19’га қарши вакцинасининг фойдаси унинг хавфидан устун эканини маълум қилди. Ушбу вакцинанинг хавфсизлиги ва самарадорлиги ҳақида тиббиёт фанлари доктори, компания ижроия қўмитаси раиси ўринбосари ва бош илмий ходими Пол Стоффелс маълум қилди. «Биз вакцинамизнинг фойдаси ва хавфи ўртасидаги ижобий нисбатга ҳамон ишонамиз», — деди у.Дания AstraZeneca вакцинаси билан эмлашдан бутунлай воз кечган биринчи мамлакатга айланди. Бундай қарор ушбу дори билан эмлашнинг тромбоз ва қон кетиши ҳолатлари билан эҳтимолий боғлиқлиги туфайли қабул қилинган.
Изоҳ (0)