Япониянинг Sony компанияси Snapdragon 888 процессори ўрнатилган учинчи авлод флагмани Xperia 1 III моделини тақдим этди, деб хабар беради «Korrespondent.net».
Янги флагманнинг дизайни ўзида олдинги авлодникига ўхшаш: томонлар нисбати 21:9 бўлган «кинематографик» чўзилган экран ва тўғри бурчакли корпус. Xperia 1 III моделига 4К сифатни қўллаб-қувватлайдиган ва 120 герцли тасвир янгиланиш частотасига эга 6,5 дюймли AMOLED-матрица ўрнатилган. Шунингдек, экранда Corning Gorilla Glass ҳимоя шишаси мавжуд.
Смартфон ичига 5G-модеми интеграциялашган Qualcomm Snapdragon 888 платформаси ўрнатилган. Тезкор хотираси — 12 гигабайт, шунингдек, 256 гигабайтли ички хотира ҳам мавжуд. Таъкидланишича, Xperia 1 III хотира картаси ва аудиожекка эга слотли дунёдаги ягона смартфон ҳисобланади.
Смартфоннинг камералар модули тўртта сенсордан иборат: учта 12 мегапикселли Exmor RS) ва битта 3D ToF. Xperia 1 III модели Photohraphy Pro функциясини қўллаб-қувватлайди.
Компания сиғими 4500 мА/соатга тенг аккумулятор 3 йилгача ишлашига ваъда бермоқда. Смартфоннинг иккита қувватлантиргичи бор: 30 ваттли симли ва симсиз. Гаджет нархи 1290 долларни ташкил этади.
Эслатиб ўтамиз, Sony компанияси 5G’ни қўллаб-қувватловчи Xperia 1 II флагманини 2020 йилнинг февралида тақдим этганди.
Изоҳ (0)