The Henley Pasport Index паспорт рейтингида Ўзбекистон бир поғонага кўтарилиб, 85-ўринни эгаллади, деб хабар бермоқда Spot. Ўзбекистон 2021 йилнинг январь ойида эълон қилинган рейтингида 86-ўриндан жой олганди. 2020 йилнинг июль ойидаги рейтингда 86-ўринда, январь ойидаги рейтингда эса 85-ўринда бўлган.
Унга кўра, Ўзбекистон фуқаролари 57 та давлат ҳудудига визасиз ёки етиб боргач, виза олиш орқали саёҳат қилиши мумкин.
Рейтингда биринчи ўринни Япония эгаллади. Японияликлар 193 та мамлакатга визасиз ташриф буюриши мумкин. Иккинчи поғонадан Сингапур (192 давлат), учинчи поғонадан эса Германия (191 давлат) жой олди.
МДҲ давлатлари орасида ҳам яхшиланиш кузатилган. Россия 48-ўринда (118 давлат), Беларусь 68-ўринда (77 давлат), Қозоғистон 69-ўринда (75 давлат), Тожикистон 84-ўринда (58) ва Туркманистон 89-ўринда (53 давлат).
Энг сўнгги ўринларни Сурия (29 давлат), Ироқ (28 давлат) ва Афғонистон (26 давлат) эгаллаган.
Маълумот учун,Henley рейтинги ҳаракат эркинлиги индекслари асосида тузилади. Бу кўрсаткич ҳар бир давлат фуқароларининг қанча давлатга визасиз ёки виза олиш соддалаштирилган тартибда бориши мумкинлигини ифодалайди.
Изоҳ (0)