Tesla’нинг ҳозирга қадар сотган электромобиллари сони 1,5 млн нусхадан ошди

Tesla компанияси 2021 йил охирига қадар 2 миллион нусха автомобиль сотишни режалаштирмоқда, деб хабар беради IXBT.

Илон Маскнинг компанияси ўз электромобилларини ишлаб чиқаришни оширмоқда. Германиядаги завод ишга тушгач, шунингдек, Хитойдаги заводнинг яна бир тармоғи иш бошлагач компания ишлаб чиқариш ҳамда сотиш борасида янги рекордларни ўрнатади. Аммо сўнгги чора ҳисоботига қараладиган бўлса, Tesla ҳозирдан катта марраларни забд этмоқда — ўтган вақт ичида Tesla 1,5 миллиондан ортиқ автомобиль сотган.

Сотилган машиналарнинг 950 мингдан ортиғини Модель 3 электромобили ташкил этмоқда. Худди шу платформадаги Model Y ҳам жадал сотиляпти: 100 мингдан ортиқ. Ушбу натижада савдолар бошланганига бир йил тўлмай эришилмоқда. Модель С ва Модель Х’нинг кумулятив савдолари 510 минг нусхадан ошган.

Талаб ортиб бораётгани ва янги моделлар ишлаб чиқарилиши фонида Tesla йил охирига қадар сотиладиган автомобиллари сонини 2 миллионга чиқариши мумкин.

Аввалроқ Tesla дунёдаги энг қиммат автомобиль компаниясига айлангани тўғрисида хабар берилганди.