Rossiyada Mortal Kombat uslubida yaratilgan iPhone 12 Pro paydo bo‘ldi
Caviar zargarlik brendi Mortal Kombat afsonaviy o‘yinining qahramonlariga bag‘ishlangan uchta modeldan iborat Mortal Collection’ni taqdim etdi, deb xabar beradi Hi-Tech.Mail.ru.
iPhone 12 Pro Scorpion dizayni Chayon va uning qurolidan ilhomlanib ishlangan. Model oltin PVD-qoplamali o‘ta mustahkam titandan yaratilgan. Odatda undan qimmatbaho Shveysariya soatlarini qoplashda foydalaniladi. Smartfon sovuq qurollar tayyorlashda ishlatiladigan epoksid qatron va shisha toladan iborat ko‘p qavatli material bilan bezatilgan.
Shao Kan obrazi esa Caviar dizaynerlarini iPhone 12 Pro Shao Kahn’ni yaratishga undagan. Kompozit materiallardan iborat qora asosda titan taxt joylashgan. Unda suvoriy yo‘q, biroq taxt bo‘sh emas — unga noodatiy jangovar bolg‘a joylashtirilgan. Qurol PVD texnologiyasi yordamida tushirilgan o‘ta yuqori haroratda qizdirilgan titan bilan qoplangan. Kompozitsiyaga bolg‘a egasi tomonidan yakson etilgan dushmanlarning ramzi bo‘lgan chanoq yakun yasagan.
Jodugar Shan Tsung esa iPhone 12 Pro Shang Tsung modelining yaratilishiga ilhom bag‘ishlagan. Unda jodugarning qo‘li va mag‘lub etilgan dushman tasvrini ko‘rish mumkin. Harflar “You soul is mine” iborasini (“Qalbing — meniki”) hosil qiladi, ular qorong‘uda nur sochadi. Shuningdek, smartfonni yaratishda asosan titandan foydalanilgan, korpusga to‘rtta haqiqiy zumrad o‘rnatilgan.
Mazkur smartfonlar narxi 369 ming rubldan (4860 dollardan) boshlanadi.
Avvalroq Caviar kompaniyasi qariyb 8 ming dollar turuvchi iPhone va 184 ming dollarlik iPad’ni namoyish etgandi.
