Twitter ижтимоий тармоғи фойдаланувчиларидан бири ноёб iPhone 11 Pro сурати билан бўлишди. Қурилманинг ноёблиги унинг логотипига яхшилаб эътибор қаратилмагунига қадар билинмайди, деб ёзади IXBT.
Моделнинг ўзига хослиги ундаги логотипнинг жойлашувида. Аксарият iPhone 11 Pro’лардан фарқли ўлароқ логотип марказда жойлашмаган — ёнга бироз силжиган ва соат стрелкасига қарши озгина бурилган.
Суратни эълон қилган фойдаланувчининг ҳисоблашича, бу каби iPhone’нинг конвеердан чиқиш эҳтимоллиги — юз миллиондан биттага тенг. Эътиборли жиҳати, ушбу смартфон аукционга қўйилган ва 2700 долларга сотилган.
Аввалроқ Caviar компанияси қарийб 8 минг доллар турувчи iPhone ва 184 минг долларлик iPad’ни намойиш этгани тўғрисида хабар берилганди.
Изоҳ (0)