12 апрель — Жаҳон авиация ва космонавтика куни: Фазода олинган энг муҳим суратлар

1961 йил 12 апрель куни инсон томонидан космосга илк парвоз амалга оширилган. Орадан ўтган йиллар мобайнида инсоният сайёраларга учувчисиз учиш воситаларини юбориш, катта ҳажмдаги маълумотларни тўплаш, ажойиб тафсилотлар билан суратга олишни ўрганди.

1961 йил 12 апрелда Юрий Гагарин космосга чиққан. У «Восток» космик кемасида Ер атрофида парвоз қилди. Парвоз 108 дақиқа давом этди ва тўлиқ автоматик тарзда амалга оширилди. Кема Ер орбитасига кириб, у билан бўлган барча нарсани бортдаги магнитофонга ёзиб қўйган.

1965 йил 18 мартда космонавтлар Алексей Леонов ва Павел Беляев бўлган «Восток-2» космик кемаси Бойқўнғир космодромидан парвоз қилди. Ҳаммаси бўлиб «Восток-2» миссияси 26 соат-у 2 дақиқа давом этган. Леонов парвозда 12 дақиқа 9 сонияни ўтказди. Кейинчалик Халқаро авиация ассоциацияси буни жаҳон рекорди сифатида қайд этди. Навбатдаги рекорд америкалик астронавтлар Жеймс Восс Voss ва Сюзан Хелмсга тегишли бўлиб, улар космосда 8 соат 56 дақиқа вақт ўтказди.

1968 йил 24 декабрда астронавт Уильям Андерс бу фотосуратни Ой атрофида учиш пайтида Apollon 8 космик кемасидан олган. Ой ҳар доим сайёрамизга фақат бир томони билан бурилганига қарамай, Ернинг ҳаракатини кузатиш мумкин.

1969 йил 20 июль, Ой юзидаги биринчи одам изи. Apollon 11 космик кемасининг экипажи, космонавтлар Эдвин Базз Алдрин ва Нил Армстронг Ернинг сунъий йўлдошига тушган биринчи одамлардир. Ой изининг фотосурати олимларга Ой юзасининг моддий таркибини тушунишга имкон берди.

1969 йил 20 июль. Америкалик Apollon 11 астронавти Базз Алдрин ва унинг ҳамкасби Нил Армстронг Ой юзида ўрнатган Америка байроғи. 1969 йилдан буён АҚШ космонавтлари Ернинг сунъий йўлдошига ўн мартадан кўпроқ учган.

1972 йил 15 декабрь. «Челленжер» ой модули Apollon 17 NASA’нинг ойга қўниш миссияси пайтида узатиш ва жойлаштиришдан сўнг олинган. Унинг атрофидаги оқ нуқталар Apollon 17 ташлаган Saturn S-IVB ракета саҳнасининг парчалари.

1976 йил 20 июль, «Викинг-1» станцияси томонидан узатилган Марс сатҳининг биринчи сурати. Ушбу расм Марснинг кейинги 16 мингдан ортиқ фотосуратларидан биринчиси эди. Ва бу Қизил сайёрани ўрганишга катта ҳисса қўшган.

1984 йил 7 февралда астронавт Брюс МакКендлесс «Челленжер» модулининг юк ташиш жойидан 100 метр масофада суратга тушди. Космонавт эркин парвозда, махсус меневр мосламаси ва азотли реактив двигатели билан бошқаради, унинг вазни 140 килограммни ташкил этади.

Ернинг 6 миллиард километр масофадан олинган фотосурати, «Хира кўк нуқта» деб номланган. Ундаги Ер тасвири 0,12 пикселни эгаллайди.

1995 йил 1 апрелда астрономлар Жжеф Хестер ва Пол Скоэн томонидан суратга олинган. 2014 йилда у юқори пикселлар сонида қайта тикланди. Ушбу шаклланишлар ичида янги юлдузлар туғилади, бунинг натижасида газ булутлари турли рангларда порлайди. Мовий ранг кислородни, қизил олтингугуртни, яшил эса азот ва водородни англатади.

2006 йил 4 октябрда Европа космик агентлиги SWEEPS тасвирини чиқарди. Жараён давомида 16 та потенциал сайёра аниқланган.

2015 йил 14 июль, Плутон сайёрасининг 200 минг километр масофадан олинган сурати. Фотосуратда қуёш нурлари билан ёритилган Плутон тасвирланган, унинг туман булутлари сайёра бўйлаб 193 километрдан ошиб кетган.

2017 йил 16 декабрда Жуно космик кемаси Юпитер сайёрасини яқин масофадан кузатишга муваффақ бўлди. Фотосуратда сайёранинг атмосфера чизиқлари кўрсатилган.