Нафақат ижро маҳорати, балки гўзаллиги билан ҳам мухлислар қалбидан жой олган турк актрисалари бўянмаганда ҳам макияж қилгани сингари кўринишга эгами, деган саволга тақдим қилинган суратлардан жавоб топиш мумкин.
Бергузар Корел
«Муҳташам юз йил» юлдузи нафақат кино, балки ҳаётда ҳам кўзларига урғу беришни яхши кўради. У қора стрелка чизиб киприкларини қалин қилиб бўяйди. Бундан ташқари, Ҳалит Эргенчнинг рафиқаси қошларига эътибор бериб, уни тартибли кўрсатиш учун махсус воситалардан фойдаланади. Дам олиш кунлари макияжсиз юриш у учун табиий ҳол. Ижтимоий тармоқларда унинг бўянмасдан тушган суратларини кўриш мумкин.
Пелин Акил
Пелин ташқи кўриниши билан эксперимент қилишни яхши кўради. Унинг Instagram саҳифасида сочларининг текис ва жингалак қилиб турмакланган суратларини топиш мумкин. Унинг суратларига назар ташлаб, баъзида лаб ва кўзларига урғу беришни яхши кўришини билиш мумкин. Макияжсиз эса уни бир қарашда таниб бўлмайди. Аммо унинг Instagram обуначилари бундан кўринишига ўрганиб қолган.
Гокче Баҳадир
«Менга эртак айтма» сериали юлдузи ёрқин кўринишга эга экани сабаб ҳам кам макияж билан чекланиши мумкин. Кундалик турмушда лаби ва қошларига урғу берадиган актриса профессионалларга мурожаат қилганда тамоман ўзгача кўринишга эга бўлади.
Гизем Каража
2011 йилдаги «Дунё гўзали» танловида Туркия номидан иштирок этган актрисанинг сурати журнал муқоваларидан тушмайди. Сочининг ранги оч экани ва жигарранг кўзлари уни бошқалардан ажралиб туришига сабабчи бўлади. Ёрқин макияж қилиш орқали эса янада жозибали кўринади. Киприкларини қалин қилиб бўяб, кўзининг ташқи бурчагига тен суртишни афзал билади.
Мерве Севи
Ноодатий ташқи кўринишга эга бўлган 32 яшар актриса макияж қилишни ҳам маромига етказади. Унинг Instagram’ини томоша қилган одам визажистнинг саҳифасини кўздан кечиргандек ҳис қилиши мумкин ўзини. Урғу берилган ёноқлари, тартибга келтирилган қошлари ва қирмизи лаблари кишини ўзига жалб этмай қолмайди. Қора қалам билан туш суртишнинг ўзида ҳам етарлича соҳибжамол кўринади.
Эсра Билгич
Шаҳло кўзлар, қалин қошлар эгаси бўлган Эсра улама киприклардан ҳам фойдаланиб туради. Кундалик турмушда эса лаб ва кўзларини бўяшни маъқул кўради. Сочларини эса шунчаки йиғишни ёки плойка билан жингалак қилишни афзал билади.
Изоҳ (0)