Футбол бўйича Италия А Сериясининг 30-турида «Ювентус» 11 апрель, якшанба куни «Женоа»ни қабул қилди.
Ўйин тезкор гол билан бошланди. 4-дақиқада Деян Кулусевски ҳисобни очди. 22-дақиқага келиб эса Альваро Мората орадаги фарқни иккитага оширди. Жамоалар танаффусга шу ҳисобда йўл олди.
Иккинчи 45-дақиқаликда Жанлука Скамакка бурчакдан оширилган тўпни боши билан дарвозага жойлаб қўйиб, ҳисобни қисқартирди. Аммо Уэстон Маккенни 70-дақиқада гол уриб, яна иккита тўп фарқини тиклади.
«Женоа» сафида ҳаракат қиладиган ўзбекистонлик ҳужумчи Элдор Шомуродов мазкур баҳсда 63-дақиқада майдонга туширилди.
Мазкур ғалабадан кейин очколари 62 тага етган «Ювентус» мусобақа жадвалида 3-поғонада бормоқда. «Женоа» эса 32 очко билан 13-ўриндан жой олган.
«Лацио» «Верона»ни таслим этди, «Наполи» эса сафарда «Сампдория»дан устун келди.
А Серия
30-тур баҳслари
11 апрель, якшанба
«Ювентус» — «Женоа» 3:1
Голлар: 1:0 – 4 Кулусевски, 2:0 – 22 Мората, 2:1 – 49 Скамакка, 3:1 – 70 Маккенни.«Ювентус»: Шченсни, де Лигт, Данило, Кьеллини, Кулусевски (Маккенни, 68), Куадрадо (Алекс Сандро, 46), Рабьо (Рэмзи, 84), Бентанкур, Кьеза (Артур, 75), Роналду, Мората (Дибала, 68).
«Женоа»: Перин, Бираски (Гильоне, 46), Кришито, Масьелло, Заппакоста, Беҳрами (Пьяца, 46), Радованович, Ровелла (Зайц, 63), Бадель, Скамакка (Мелегони, 70), Пандев (Шомуродов, 63).
Огоҳлантиришлар: Куадрадо (20), Кулусевски (37), Беҳрами (38), Ровелла (53), Кришито (62), Алекс Сандро (82).
Изоҳ (0)