УЕФА Чемпионлар Лигаси чорак финали жавоб баҳслари доирасида ўтадиган 13 апрель, сешанба кунги ўйинлар учун ҳакамларни тайинлади.
Парижда бўлиб ўтадиган ПСЖ — «Бавария» (биринчи учрашув — 3:2) ўйинни италиялик Даниэле Орсато бошчилигидаги италиялик ҳакамлар гуруҳи бошқариб боради. Унга қанотларда Алессандро Жаллатини ва Фабяно Прети ёрдам беради.
«Челси» — «Порту» (биринчи ўйин — 2:0) учрашувида эса Клеман Тюрпен бошчилигидаги франциялик ҳакамлар гуруҳи ишлайдиган бўлди. Николя Дано ва Сирил Грингор мазкур ўйинда қанотларда фаолият олиб боради.
Эслатиб ўтамиз, ҳар икки ўйин Тошкент вақти билан 13 апрелдан 14 апрелга ўтар кечаси 00:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)