Японияда 1994 йилги Cadillac Fleetwood седани базасида яратилган ноодатий лимузин сотувга қўйилди. Пушти салон ва қандилга эга турфа рангли автомобилни 395 минг иенага (3,6 минг доллар) харид қилиш мумкин, деб хабар беради Motor.

Фото: «Auctions.yahoo.co.jp»

Лимузин 1994 йилда ишлаб чиқарилган классик Cadillac Fleetwood базасида яратилган. Уни яратишда муҳандислар седанни иккига бўлган, машина ўртасига қўшимча кузов қисмларини ўрнатган. Мутахассислар ғилдираклар базасини узайтирганига қарамай, лимузин тўрт эшиклигича қолган.

Cadillac Fleetwood Brougham кузови абстракт нақшларни ёдга солувчи турфа рангларга бўялган. Шу билан бирга, узоқ йиллар давомида фойдаланилган машинанинг лак-бўёқли қопламаси яроқсиз ҳолга келиб қолган. Машинанинг том қисми коррозия ўчоғига айланган, бўёқ деярли кўчиб кетган.

Фото: «Auctions.yahoo.co.jp»

Тахминларга кўра, ноодатий Cadillac’дан турли байрам кечаларини ўтказишда фойдаланилган. Автомобилнинг экстравагант интерьерини бошқача тушунтириб бўлмайди. Лимузин салони майин пушти материал билан қопланган, марказий ички қисмида юмалоқ стол жойлашган, тюнерлар шифт қисмига ҳақиқий биллур қандилни жойлаштирган. Сақланиб қолган стеллажларга кўра, Cadillac Fleetwood интерьерига мини-бар ва акустик тизим жойлашган, бироқ вақт ўтиши билан автомобиль салони ҳам яроқсиз ҳолга келиб қолган.

Ноодатий лимузин 260 от кучига эга 5,7 литрли V8 мотори ёрдамида ҳаракатга келади. Агрегат тўрт поғонали автомат узатмалар қутиси ёрдамида бошқарилади. Ҳашаматли Cadillac Fleetwood Brougham’нинг эгаси уни 295 минг иенага сотишга тайёр.

Аввалроқ АҚШда «Чўқинтирган ота» фильмидаги Cadillac лимузини аукционга қўйилгани, Россияда 41 йиллик «ЗИЛ» лимузини BMW 7-Series Long нархида сотилаётгани тўғрисида хабар берилганди.

Фото: «Auctions.yahoo.co.jp»

Фото: «Auctions.yahoo.co.jp»

Фото: «Auctions.yahoo.co.jp»

Фото: «Auctions.yahoo.co.jp»

Фото: «Auctions.yahoo.co.jp»

Фото: «Auctions.yahoo.co.jp»