Ўтган бир сутка ичида Тошкент ва Нукус шаҳарлари ҳамда вилоят марказларида коронавирус инфекциясига қарши яна 14 216 киши эмланди, деб хабар бермоқда Соғлиқни сақлаш вазирлиги матбуот хизмати.

Фото: ССВ матбуот хизмати

Ўзбекистонда шу кунгача коронавирус инфекциясига қарши эмланган фуқаролар сони 49 602 нафарга етди.

6 апрель кунидаги эмлаш кўрсаткичлари бўйича юқори ўринларни:

  • Самарқанд вилояти (3437 нафар),
  • Тошкент вилояти (1708 нафар),
  • Андижон вилояти (1633 нафар),
  • Тошкент шаҳри (1630 нафар),
  • Наманган вилояти (1487 нафар) банд қилди.

Эслатиб ўтамиз, аҳолини коронавирусга қарши эмлаш тадбирлари 1 апрелдан бошланди. Эмлаш дастлаб қариялар, соғлиқни сақлаш ходимлари, ОАВ вакилларида кўнгилли тарзда ўтказилади.

Улар AstraZeneca ва Ўзбекистон—Хитой ҳамкорлигида ишлаб чиқилган ZF-UZ-VAC 2001 вакцинаси билан эмланмоқда. Бунда эмланувчи биринчи эмланишни қайси вакцина билан бошласа, иккинчисини ҳам айнан ўша вакцина билан якунлайди.

Мавзуга доир: Ўзбекистонда клиник синовлари охирига етмаган хитой—ўзбек вакцинасидан нима сабабдан фойдаланишга рухсат берилганига ойдинлик киритилди