Қорақалпоғистон Конституциясининг ўзгартиш ва қўшимчалар киритилган янги нашри чоп этилди, дея хабар бермоқда «Халқ сўзи Online».
Маълум қилинишича, 2021 йил 12 февраль куни ўтказилган Жўқорғи Кенгесининг ўн бешинчи сессиясида «Қорақалпоғистон Республикасининг Конституциясига ўзгаришлар ва қўшимчалар киритиш тўғрисида»ги қонуни қабул қилиниб, мазкур қонун асосида Конституцияга бир қатор ўзгартиш ва қўшимчалар киритилган.
Жумладан, Қорақалпоғистон Конституциясининг 2-моддасидаги, 15-модданинг иккинчи бўлимидаги ҳамда 36-моддаси матнидаги «одамлар» деган сўз «шахслар» деган сўз билан алмаштирилди. 70-модданинг 11-банди (Жўқорғи Кенгесининг Қорақалпоғистон Республикаси Экология ва атроф-муҳитни муҳофаза қилиш қўмитасининг раисини тайинлаш ва лавозимидан озод қилиш ваколати), шунингдек, 103 (Қорақалпоғистон Республикаси жиноят ишлари бўйича суди жиноят ишларини юритиш соҳасида Олий суд ҳокимиятининг органи ҳисобланади ҳамда жиноят ишлари бўйича туман, шаҳар судларининг суд фаолияти устидан назорат олиб бориш ҳуқуқига эга) ва 104-моддалар (Қорақалпоғистон Республикаси Иқтисодий суди хўжалик юритувчи субъектлар ўртасидаги фуқаровий-ҳуқуқий муносабатларда юзага келадиган низоларни ва корпоратив низоларни кўриб чиқиш соҳасида Олий суд ҳокимиятининг органи ҳисобланади ҳамда туманлараро, туман ва шаҳар иқтисодий судларнинг суд фаолияти устидан назорат олиб бориш ҳуқуқига эга) олиб ташланди.
Қорақалпоғистон Конституцияси қабул қилинганининг 28 йиллиги муносабати билан «Qaraqalpaqstan» нашриёти томонидан чоп этилган Конституцияда шу сингари ўзгартиш ва қўшимчалар акс эттирилган.
Изоҳ (0)