Жанубий Кореяда коронавирус пандемиясининг тўртинчи тўлқини бошланиши мумкин. Бу ҳақда мамлакат бош вазири Чунг Се Кюн хавотир билан маълум қилди, деб ёзади KBS World.
Ҳукумат йиғилишида бош вазир мамлакат эпидемияга қарши курашда ўта оғир вазиятга тушиб қолганини айтди. Унинг таъкидлашича, ўтган бир ҳафта ичида инфекциянинг метрополитен ҳудудида ҳам, бошқа ҳудудларда ҳам тарқалишда давом этиши фонида мамлакатда вирусга чалинганлар сонининг кунлик ўсиши 500 кишидан ошган.
Шундан келиб чиққан ҳолда, ҳар бир юқтирган одам вирусни яна бир нечта кишига юқтиради. Таъкидланишича, агар ушбу тенденция давом этса, республика ҳокимияти чеклов чораларини кучайтиришга ва мавжуд ижтимоий масофани сақлаш шартларини максимал даражага чиқаришга мажбур бўлади.
Бош вазир якшанба куни жамоатчиликни карантин қоидаларига нисбатан ҳушёр бўлишга чақирди. Жанубий Кореяда пандемия бошидан бери касалликка чалиниш бўйича, 105 752 та ҳолат аниқланган, 96,9 минг бемор соғайган, 1 748 киши инфекция қурбони бўлган.Ҳиндистонда ва Хитойда касалланиш рекорд даражада ўсди
Ҳиндистонда ўтган кун (4 апрель) давомида COVID-19 юқтириш бўйича 103 мингдан ортиқ янги ҳолат қайд этилди. Таъкидланишича, суткалик юқтиришнинг бу қадар юқори кўрсаткичи 2020 йилнинг сентябридан бери биринчи марта кузатилмоқда.
Ўтган кунда инфекцияга энг кўп чалиниш ҳолати Мумбай шаҳрида жойлашган Махараштра штатида аниқланди. 5 апрелдан бошлаб ушбу штатда чеклов чоралари кучайтирилади: кинотеатрлар, ресторанлар ва дўконлар ёпилади.
Бундан ташқари, сўнгги 24 соат ичида Ҳиндистонда COVID-19 оқибатида 478 та ўлим қайд этилган. Мамлакатда пандемия бошланганидан бери коронавирус қурбонига айланганлар 165 минг кишини ташкил этмоқда.
Сўнгги етти кун ичида Ҳиндистонда кунига ўртача 73 минг кишида COVID-19 аниқланди. Пандемия бошидан буён ушбу мамлакатда 12,5 миллиондан ортиқ одам вирусни юқтириб олган.
Мавзуга доир: Дунёда коронавирусга чалинганлар сони қарийб 130 миллионга етди. Бразилия касаллик ўчоғига айланди
Таъкидланишича, мазкур юқтирганларнинг ярмидан кўпи — 17 киши чет элдан келган, вирусни мамлакат ичкарисида юқтирган 15 киши Мьянма, Лаос ва Вьетнамнинг жанубидаги Юннан провинциясида жойлашган Жуйли шаҳрига тўғри келмоқда. Инфекция оқибатида янги ўлимлар қайд этилмаган.
31 март куни Хитой расмийлари Юннанда биринчи бор тўққиз кишида вирус аниқлангани ҳақида хабар берганди. Уларнинг барчаси Жуйлида қай этилган бўлиб, ҳозирда бу шаҳар инфекция тарқалишининг провинция даражасидаги эпицентрига айланган. Бугунги кунга қадар провинцияда 51 та COVID-19 юқтириш ҳолати қайд этилган, шундан 48 таси маҳаллий ва учтаси четдан келган кишиларга тўғри келади.
Жуйлидаги маҳаллий ҳокимият шаҳар аҳолисининг барчаси учун уй карантини жорий қилди, бир қатор корхоналарнинг фаолияти тўхтатилди ва Хитой чегарасидан ноқонуний кесиб ўтишлар устидан назорат кучайтирилди.
Умумий ҳисобда пандемия бошидан бери Хитойда 90 минг 305 киши инфекцияни юқтириб олган, 4 минг 636 киши касалликдан вафот этган, 85 минг 431 киши тузалган. Айни пайтда 238 нафар бемор касалхоналарда даволанмоқда.
Изоҳ (0)