Bugun,

  • USD 11014.01
  • RUB 191.8
  • EUR 10674.78

Pandemiya boshidan beri to 2-aprel, juma kuniga qadar butun dunyoda koronavirus bilan kasallanish bo‘yicha 129 737 943 ta holat qayd etildi. Bu haqda Amerikaning Jons Hopkins universiteti ma’lumotlarida keltirilgan.

Foto: aa.com.tr

Foto: aa.com.tr

Universitet ma’lumotlariga ko‘ra, dunyo bo‘ylab COVID-19 bilan kasallanish oqibatidagi o‘lim soni 28 298 632 taga o‘sgan, 104 millionga yaqin bemor kasallikdan tuzalgan.

AQSh kasallanganlar va vafot etganlar sonining ko‘pligi bo‘yicha yetakchi bo‘lib qolmoqda. Mamlakatda 30 million 540 ming kishida COVID-19 aniqlangan, 553 140 ta o‘lim qayd etilgan. Bemorlarning 23 millionga yaqini sog‘aygan.

Virusga chalinganlar soni bo‘yicha dunyoda ikkinchi o‘rinda Braziliya turibdi. Mamlakatda pandemiya boshidan beri 12 839 844 kishi infeksiyani yuqtirib olgan, shulardan 325 284 nafari vafot etgan, 11 milliondan ortig‘i kasallikdan sog‘aygan.

Jahon sog‘liqni saqlash tashkiloti (JSST) Braziliyani koronavirus epitsentriga aylangan mamlakat deb e’lon qildi. Tashkilot epidemiologi Mariya van Kerxovning so‘zlariga ko‘ra, Braziliya koronavirus bilan bog‘liq o‘ta og‘ir vaziyatni boshdan kechirmoqda, mamlakat shifoxonalari COVID-19 bilan og‘rigan bemorlarga liq to‘la.

Shuningdek, Ukrainada bir sutkada COVID-19’ga chalinganlar soni rekord darajaga yetdi. Ukraina Sog‘liqni saqlash vazirligining xabar berishicha, mamlakatda o‘tgan bir kecha-kunduzda infeksiyani yuqtirish bo‘yicha 19 893 ta yangi holat qayd etilgan.

Ukraina Milliy xavfsizlik va mudofaa kengashi kuzatuv tizimining ma’lumotlariga ko‘ra, bu pandemiya boshidan beri kuzatilgan eng yuqori sutkalik ko‘rsatkich bo‘lib, undan avvalgi antirekord 26-mart kuni qayd etilgan edi (18 132 ta holat).

“Ukrainada 2021-yil 2-aprel holatiga ko‘ra, COVID-19’ga chalinish bo‘yicha 19 893 ta yangi holat aniqlandi. Xususan, 834 nafar bola va 484 nafar tibbiyot xodimi infeksiyani yuqtirib olgan”, - dedi sog‘liqni saqlash vaziri.

Vazirning ta’kidlashicha, o‘tgan kun davomida 5040 kishi kasalxonaga yotqizilgan, 433 ta o‘lim qayd etilgan va 10 287 kishi kasallikdan sog‘aygan. O‘tgan kun davomida 19 097 kishi koronavirusga qarshi emlanib, vaksina olganlarning jami soni 268 ming kishini tashkil qilgan.

Umumiy hisobda pandemiya boshlanganidan beri Ukrainada 1 million 711 ming kishi infeksiyaga chalingan, ulardan 33 679 nafari vafot etgan va 1 milliondan ortig‘i sog‘aygan. Mamlakatda virus yuqtirish holatlarining eng ko‘pi Lvov (1668), Odessa (1608), Xarkov (1494), Xmeln (1351) va Dnepropetr (1178) viloyatlarida qayd etilgan.

Ma’lumot uchun, dunyo bo‘ylab virusga chalinganlarning umumiy soni 16-martda 120 milliondan, 7-fevral kuni 105 milliondan, 13-fevral kuni 108 milliondan, 18-fevral kuni 110 milliondan oshgandi.

Izoh
Asosiy yangiliklar
Dunyo
Zaporojyeda raketa bilan urilgan ko‘p qavatli binolar, Limanda ishlayotgan sapyorlar. Urushning 225-kunidan fotoreportaj
Mahalliy
“Yaqinda besh million olgan ekansiz, shu sabab murojaatingiz rad qilindi deb yozaman” — Toshkent viloyati hokimi
Madaniyat
Davron G‘oyipovning qanday kasallikdan vafot etgani ma’lum qilindi