Бугун,

  • USD 11014.01
  • RUB 191.8
  • EUR 10674.78

Буюк Британия шаҳзодаси Гаррининг рафиқаси Меган Маркл америкалик телебошловчи Опра Уинфрига берган интервьюсида у қироллик оиласида яшаган вақтлари уйдан чиқмаганини айтиб, ёлғон гапирди. Бу ҳақда малика Диананинг биографи Эндрю Мортонга таяниб,«Известия» хабар берди.

Фото: «ТАСС»

Фото: «ТАСС»

Маркл америкалик телебошловчига берган интервьюсида эри билан яшаган саройни тўрт ой ичида атиги икки марта тарк этганини айтганди. Бундан ташқари, унинг паспорти ва ҳайдовчилик гувоҳномаси олиб қўйилганини таъкидлаган.

«Опрага уйдан чиқмаганини айтган Меган Маркл қирол оиласи билан бирга яшаган даврда одатий ҳаёт кечирган ва ресторанларда дўстлари билан кўришган», — деди Мортон Daily Mail нашрига.

Мортон ушбу жуфтликнинг бир неча бор чет элга саёҳат қилгани, бундан ташқари, 2019 йилда Маркл ўзининг туғилган кунини нишонлаш учун Нью-Йоркка шахсий самолётда учиб кетганини эслаб ўтди.

Биограф, шунингдек, дўстлари Британия шаҳзодасининг хотинини супермаркетдан озиқ-овқат пакетлари билан чиқиб, Кенсингтон саройига кетаётганини шахсан кўрганини таъкидлади.

14 март куни Букингем саройи вакиллари шаҳзода Гаррининг рафиқаси Меган Марклнинг хатти-ҳаракатлари бўйича қироллик саройи хизматчиларининг шикоятларини текшириш учун учинчи томон юридик фирмасини жалб қилгани маълум қилинганди.

11 март куни шаҳзода Уильям укасининг рафиқаси Меган Марклнинг интервьюсига муносабат билдириб, қирол оиласида ирқчилик йўқлигини таъкидлади.

Эслатиб ўтамиз, март бошида Британия шаҳзодаси Гарри ва унинг рафиқаси Меган Маркл америкалик машҳур телебошловчи Опра Уинфрига берган интервьюси эълон қилинганди. Маркл интервьюда қироллик оиласининг айрим аъзолари унинг биринчи фарзанди туғилмасдан аввал боланинг териси рангидан ташвишлангани ва Меган руҳий тушкунликка тушган пайтда мутахассисларга мурожаат қилишига йўл қўймаганини айтган (гўёки бу қироллик обрўсига путур етказади). 2020 йилда қироллик унвонлари ва мажбуриятларидан омма олдида воз кечиб, АҚШга кўчиб ўтган жуфтлик интервью мобайнида бир қатор эътиборга молик баёнот ва бошқа масалалар қаторида Британия монархиясининг парда ортидаги ҳаётидан баъзи сирларни очиб берди.

Шаҳзода Гарри ва рафиқаси Марклнинг интервьюсидан кейин шов-шув кўтарилиб, айни кунларда бутун дунёда муҳокама қилинмоқда. Аввал Британия қироллик оиласи Меган Марклнинг ирқчилик масаласи ҳақидаги баёнотини ўрганиб чиқишга ваъда берганди. Елизавета II эса набирасининг интервьюсига баҳо бериш учун бироз вақт кераклигини айтган.

Изоҳ
Асосий янгиликлар