Беларусь давлат хавфсизлик қўмитаси 2020 йил август ойида бўлиб ўтган президентлик сайловларида иштирок этган собиқ номзод Светлана Тихановская, Беларусь мухолифати мувофиқлаштириш кенгаши раёсатининг аъзоси Павел Латушко, шунингдек, яна 15 нафар фуқарони террорчилик фаолиятига алоқадор шахслар ва ташкилотлар рўйхатига киритди. Бу ҳақда «Интерфакс» хабар берди.
Беларусь ДХҚнинг қайд этишича, тергов-суриштирув натижалари бўйича улар BYPOL фаолиятига бевосита алоқадор. Малейчук В.А. ҳамда BYPOL аъзоларига нисбатан 2021 йил 25 март куни Борисов ва Минск шаҳарларида террорчилик ҳаракатларини содир этишга уринишлар қилгани учун жиноят иши очилган. Айбланувчилар тариқасида 18 нафар одам ишга чақирилган ва улар халқаро миқёсда қидирувга берилган.
Беларусь ДХҚ маълумотига кўра, Тихановская ва Латушкони Литва ҳамда Польшадан экстрадиция қилиш бўйича ҳужжатлар тайёрланган.
Тихановскаянинг матбуот хизмати унинг террорчиликка алоқадор рўйхатга киритилгани мухолифат олиб бораётган халқаро музокараларга таъсир кўрсатмаслигини қайд этган.
«Музокараларга жалб қилиш жараёни янада тезлашиши лозим», — дейилаган Тихановская матбуот хизматининг баёнотида.
Мавзуга доир: «Лукашенконинг режими бу йил қулайди». Светлана Тихановская Беларусда ҳокимият алмашиши ҳақида гапирди
Мавзуга доир: Лукашенко тез орада нафақага чиқишини айтди
Изоҳ (0)