Футбол бўйича Италия А Сериясининг 29-турида «Женоа» 3 апрель, шанба куни «Фиорентина»ни қабул қилди.
Ўйин тезкор гол билан бошланди. Маттиа Дестро 13-дақиқада гол уриб, мезбонларни ҳисобда олдинга олиб чиқди. Душан Влахович эса 23-дақиқада ҳисобни тенглаштирди.
Иккинчи бўлимда эса ҳисоб ўзгармади ва жамоалар муроса йўлини танлади. «Женоа» сафида тўп сурадиган ўзбекистонлик ҳужумчи Элдор Шомуродов мазкур баҳсда 83-дақиқада майдонга туширилди.
«Женоа» ушбу дурангдан сўнг 32 очко билан 13-ўринда бормоқда. «Фиорентина» эса 30 очко билан 14-поғонадан ўрин олган.
«Рома» «Сассуоло» билан дурангга имзо чеккан бўлса, «Наполи» ва «Лацио» эса ғалабага эришди.
А Серия
29-тур баҳслари
3 апрель, шанба
«Женоа» — «Фиорентина» 1:1
Голллар: 1:0 – 13 Дестро, 1:1 – 23 Влахович.«Женоа»: Перин, Бираски (Зайц, 62), Масьелло, Кришито, Заппакоста, Стротман (Мелегони, 83), Радованович, Бадель, Беҳрами (Гильоне, 70), Дестро (Пьяца, 70), Скамакка (Шомуродов, 83).
«Фиорентина»: Дронговски, Песселя, Мартинес, Касерес (Бираги, 71), Венути (Амрабат, 89), Пульгар, Бонавентура (Эссерик, 71), Рибери, Кастровилли (Кальехон, 83), Миленкович, Влахович (Куаме, 89).
Огоҳлантиришлар: Стротман (2), Зайц (63), Пульгар (90).
Четлатиш: Рибери (51).
Изоҳ (0)