Самарқанд вилояти Cobalt ва «КамАЗ» иштирокида содир бўлган йўл-транспорт ҳодисаси оқибатида икки киши ҳалок бўлди. Бу ҳақда вилоятнинг STV телеканали маълум қилди.
Маълум қилинишича, 29 март куни соат 03:00 ларда М37 халқаро автомобиль йўлининг Самарқанд—Бухоро—Ашхобод йўналишида Cobalt ҳайдовчиси ёмғирли ҳаво бўлишига қарамай катта тезликда юк машинасини қувиб ўтишга уринган.
Тўқнашув оқибатида Cobalt’нинг 42 ёшли ҳайдовчиси олинган тан жароҳатлари оқибатида воқеа жойида, 33 ёшли йўловчи эса шифохонада вафот этган. Енгил машинанинг яна уч нафар йўловчиси турли тан жароҳатлари билан шифохонага ётқизилган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилган.
Аввалроқ Самарқандда Gentra ва Cobalt иштирокида содир бўлган ЙТҲ оқибатида икки нафар йўловчи ҳалок бўлгани тўғрисида хабар берилганди.
Изоҳ (0)