Фарғоналик йигирма етти нафар отахон велосипедда Ўзбекистон бўйлаб саёҳатга чиқди, дея хабар берди «Дарё» мухбири.
Мазкур саёҳат орқали юртимизда ички туризмни ривожлантиришга ҳисса қўшишни ният қилган отахонлар 31 март куни Қўштепа туманидан Самарқанд шаҳрига йўл олган.
Отахонлар Қўқон—Тошкент—Гулистон—Жиззах—Самарқанд йўналиши бўйича саёҳатни амалга оширишни режалаштирган. Йўл-йўлакай улар мазкур ҳудудлардаги тарихий обидалар ва диққатга сазовор жойларни зиёрат қилади.
Саёҳатчи отахонлар соатига ўртача 20 километр йўл юриб, 4 апрель куни Самарқанд шаҳрига етиб боришни мақсад қилган.
Маълумот учун, саёҳатчи отахонларнинг энг ёши 60 ёшни қаршилаган бўлса, энг кексаси 80 ёшга тўлган.
Изоҳ (0)