Фарғона вилоятининг Қўштепа туманида уйида марихуана гиёҳванд моддасини сақлаб келган шахсга нисбатан жиноят иши қўзғатилди, дея хабар беради «Дарё» мухбири.
Таъкидланишича, Фарғона вилояти божхона бошқармаси Контрабандага қарши курашиш ва божхона аудити бўлими ҳамда Қўштепа туман ИИБ ходимлари томонидан тезкор тадбир ўтказилган. Тадбир давомида фуқаро Х.М.нинг яшаш хонадони холислар иштирокида белгиланган тартибда кўздан кечирилган. Натижада Х.М.нинг хонадонида 87 грамм марихуана гиёҳванд моддаси борлиги аниқланган.
Ҳолат юзасидан Қўштепа тумани ИИБ ҳузуридаги тергов бўлими томонидан Х.М.га нисбатан Жиноят кодексининг 276-моддаси 2-қисми «а» банди (гиёҳвандлик воситалари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) билан жиноят иши қўзғатилган.
Ҳозирда ҳолат юзасидан терговга қадар текширув ҳаракатлари олиб борилмоқда.
Изоҳ (0)