Баҳор-ёзги образ ўзига хос кўриниши учун сумкани мавжуд тенденциялардан келиб чиққан ҳолда танлаш керак бўлади.
Косметик воситаларни солишга мўлжалланган сумка
Брендлар косметик воситалар солишга мўлжалланган сумкаларнинг кундалик тутишга мос вариантларини ишлаб чиқаришга қарор қилди. 2021 йилдаги энг етакчилардан ҳисобланган бундай моделларни елкага тақиш ёки қўлда тутиш мумкин. Christian Dior'нинг қўзичоқ терисидан ишланган Dior Travel варианти ва Chanelтомонидан тақдим қилинган, қўғирчоқларнинг сумкасини эсга соладиган аксессуарлар илҳомланиш учун айни муддао. Бошқа брендлар кундалик тутиш учун моделлар ишлаб чиқиш билан банд бўлган бир пайтда Roger Viver оқшом образлари учун замш матосидан тикилган уч хил: ёрқин яшил, олча ранг ва қора вариантларни тақдим қилди.
Ички қисми кўриниб турадиган сумкалар
Ҳеч нимани яшириб бўлмаслиги билан ўзига хос бўлган Fendi томонидан тақдим қилинган резинкали сумка моделига ўхшаш вариантларнинг Маngo ва Zara коллекцияларида ҳам кўриш мумкин. Помада, калит ёки бошқа майда буюмларни йўқотиб қўймаслик учун бундай сумкалар ичига махсус шаффоф пакет солиш тавсия қилинади.
Юмшоқ сумка моделлари
2021 йилнинг баҳорида замш, юмшоқ чармдан ишланган қулай сумкалар етакчилик қилмоқда. Хоҳишингизга қараб Chanel’дагидек ёки Bottega тақдим қилганидек катта ўлчамли моделларга эътибор қаратишингиз мумкин. Бундай сумка нафақат кундалик, балки оқшом образларига ҳам ўзига хос кайфият бахш этади.
Думалоқ моделлар
70 йилларга хос думалоқ сумка моделлари бугунги кунда ҳар қачонгидан ҳам долзарброқ. Елкага тақишга мўлжалланган калта камарли, қўшимча деталга эга ёрқин рангдагиси бўлса яна яхши. Юлдузлар гардеробидан аллақачон жой олган мазкур аксессуарни Белла Ҳадид майка ва жоггер билан, Селена Гомес эса оқшом либоси билан кийган.
Катта ўлчамли сумкалар
Кроссовка, туфли ва косметик воситаларини ўзи билан олиб юрадиган аёл ва қизлар учун ҳажми катта бўлган сумка энг яхши танлов ҳисобланади. Cоаch бренди тақдим қилган мана сумка моделининг рекламасида Голливуд юлдузи Женнифер Лопесни кўриш мумкин. Баҳорги образ учун исталган мато ва рангдаги сумкани танлашингиз урғуни эса катталигига беришингиз керак.
Тўқилган сумка моделлари
Тўқилган сумкаларни энди нафақат соҳил, балки мегаполисларда ҳам туца бўлади. Тренчга мослаш учун бундай сумка четига рўмол боғлашни, жинси билан уйғун бўлиши учун эса сумканинг ушлайдиган қисмидагидек рангдаги камарни танлаш керак.
Мини моделлар
Jacquemus илгари сурган тренд бугунги кунда гардеробнинг ажралмас қисми ҳисобланади. Танлов қилганда ичига калит ва телефон сиғиши мумкин бўлган моделларни танлаганингиз яхши.
Изоҳ (0)