Toku — Тошкентда премиум классдаги паносиё ошхонасининг ресторани очилди
2021 йил 27 март санасида Тошкент шаҳри марказида, Тошкент курантлари комплексида жойлашган Toku ресторанининг тантанали очилиш маросими бўлиб ўтди.
Toku – замонавий паносиё ошхонаси бўлиб, Александр Орлов қўл остидаги Bulldozer Group холдингининг янги лойиҳаси ҳисобланади. Ушбу холдингга тегишли ресторанларни аллақачон Россия, Қозоғистон, БАА, Гонконг ва Украинада жуда яхши танишади. Холдинг асосчиси ва раҳбарини эса сиз Тимати, Крид ва Жиган сингари санъаткорларнинг клипларида кўрган бўлсангиз керак.
Ушбу ресторанлар тармоғи юқори даражада хизмат кўрсатиши, ноодатий ошхонаси ва фараҳбахш атмосфераси билан ҳатто доимий мижозларини ҳам ажаблантириб келмоқда.
Toku – жами 300 ўриндиқли учта зал ҳамда иккита ёзги терассага эга бўлган улкан ва кенг ресторан. Асосий айлана кўринишидаги залнинг марказида Аргентина грили мавжуд бўлиб, унда гўшт мукаммал даражада мазали бўлиб қовурилади. Залнинг деворлари ва шифтлари панорамали деразалардан ясалган бўлиб, ҳаво илиқ бўлган кунлари меҳмонларга юлдузли осмоннинг гўзал кўринишини тақдим этади.
Залнинг бир бурчагида кенг саҳна мавжуд бўлиб, унда чоршанбадан якшанбагача, ресторан шахсий труппасининг ажойиб чиқишлари бўлиб ўтади. Рақс томошалари, оригинал костюмлар намойишлари, оловли шоу ва дорга кўтарилган эквилибристлар меҳмонларни ҳайратда қолдириши шубҳасиз.
Кундуз кунлари зал сокин, ёруғ ва шаффоф – тушлик устида бизнес ҳамкорлар билан суҳбатлашиш, анчадан бери кўришмаган дўстлар билан учрашиш ёки узоқ парвоздан сўнг смузи ичиб тетиклашиш учун айни муддао.
Кечаси эса бу ерда зулмат ҳукмронлик қилади, мусиқа овозлари ва неон нурларининг динамик ҳаракатлари рестораннинг энг ноодатий меҳмонларини ҳам рақсга тушишга мажбур қилади.
Кириш эшигининг чап томонида қадимий Хитой кутубхонаси услубида яратилган VIP-зали жойлашган. Нақшли қора деворлар, терракотадан ишланган мебеллар, ёғоч шифтлар, пасайтирилган ёруғлик, қора токчалар ҳамда ноёб китоблар... Анъанавий хитой ўймакорлиги ва бамбукдан ясалган пардаларни ифодаловчи бронза қўшимчалар ва залнинг ён томонидаги кўзгули деворлар ҳашаматли ёпиқ макон муҳитини яратади.
Лойиҳа муаллифларининг айтишича, рестораннинг асосий йўналиши raw-бар ва грилга урғу берилган паносиё ошхонаси ҳисобланади. Шунингдек, менюдан димсам, гуруч ва денгиз маҳсулотларидан иборат таом ва вок сингари етарли миқдордаги шарқона таомлар ҳам ўрин олган.
Бар – рестораннинг энг қизиқарли ҳудудларидан бири. Унда энг янги ва сархил мевалардан тайёрланган шарбат, коктейллардан баҳраманд бўлиш мумкин.
Toku’да бир вақтнинг ўзида сокинлик ва тўлқинлик, оддийлик ҳамда ҳашаматлилик мужассамлашади. Ресторан аллақачон пойтахтимиз аҳолиси ва меҳмонларини кутиб олишга тайёр!
Телефон: +99899 910 19 10
Манзил: Тошкент шаҳар, Миробод тумани, Истиқбол кўчаси 4
Instagram: toku.tashkent
Иш вақти:
Душанба–Сешанба 12:00–00:00
Чоршанба–Якшанба 12:00–05:00
Реклама ҳуқуқи асосида.
