Яқин Шарқдаги гараждан Америка классик автомобиллари коллекцияси топилди (фото)

Интернетда Баҳрайндаги омборлардан бирида олинган сурат тарқалди. Сурат муаллифи бобосининг гаражидан Америка классик автомобилларининг бутун бошли коллекциясини топиб олган. Узоқ вақт ҳаракатсиз турган машиналарни занг ва қалин чанг босган, деб хабар беради Motor.

Ноодатий топилмаган Жей исмли баҳрайнлик эркак топиб олган. Маълум бўлишича, унинг бобоси Америка классик автомобилларининг катта ишқибози бўлган, у 1990 йиллга қадар АҚШдан турли машиналарни тўғридан-тўғри буюртма қилиб олиб келтирган.

Коллекциядан Chevrolet Impala, Plymouth Volare ва кондиционер, гидрокучайтиргичли рул ва саккиз цилиндрли моторга эга 1970 йилги Pontiac GTO ўрин олган. Бундан ташқари, Жей гараж ҳудудидан алоҳида турган двигателга дуч келган. Ташқи кўриниши билан у Chrysler’нинг афсонавий Hemi V8 агрегатини ёдга солади.

Узоқ йиллар эътиборсиз турган классик машиналарга жиддий зарар етган — уларнинг барчаси қалин қум қатлами билан қопланган, айримлари занглашни бошлаган.

Топилмадан хурсанд Жейнинг сўзларига кўра, Яқин Шарқда Америка классик автомобиллари деярли қолмаган. Шу сабабли ачинарли ҳолда бўлган бу каби транспорт воситалари ўзига хос топилма ҳисобланади.

Аввалроқ Нью-Йоркдаги ташландиқ мактабдан ноёб автомобиллар топилгани тўғрисида хабар берилганди.