Қозоғистон пойтахти Нур-Султон шаҳрида коронавирус билан касалланган беморлар учун тиббиёт муассасаларида қўшимча ўринлар ташкил этилмоқда, жонлантириш бўлимларида жой қолмади. Бу ҳақда мамлакат пойтахтининг жамоат соғлиғини сақлаш бошқармаси раҳбари Тимур Муратовга таяниб, «Интерфакс» хабар берди.
«Травматология ва ортопедия илмий-тадқиқот институти базасида юқумли касалликлар шифохонасини очишимизга тўғри келади. Афсуски, касалланиш даражаси кескин ўсди. Мавжуд 720 ўрин камлик қилмоқда, сўнгги бир ойда вирус ҳаёт учун хавфли асоратларни келтириб чиқармоқда, — деб ёзган Муратов ижтимоий тармоқда фойдаланувчиларнинг саволларига жавоб бериб. — Жонлантириш бўлимларида жойлар тўлди». Шунингдек, у аҳолини санитар-эпидемиологик меъёрларга қатъий амал қилишга чақирган.
Қозоғистон пойтахти 28 февралдан буён COVID-19 тарқалиш даражаси бўйича «қизил» ҳудуд (хавф даражаси юқори) ҳисобланади. Ўтган бир кун давомида шаҳарда коронавирусга чалиниш бўйича 185 та янги ҳолат аниқланди.
Аввалроқ Нур-Султонда 18 мартдан чеклов ва карантин чоралари кучайтирилиши ҳақида хабар берилган эди. Оммавий тадбирлар, шу жумладан, оилавий маросимлар ва маъракалар, шунингдек, уйда ташкиллаштириладиган зиёфатлар, тўйлар, юбилейлар, маъракаларни ўтказиш ва уларда қатнашиш, бундан ташқари, байрам корпоративлари, митинглар, намойишлар, йиғинлар ташкиллаштириш ва ўтказиш тақиқланди.
Мавзуга доир:
- Ўзбекистон, Қозоғистон ва Қирғизистонда коронавирус туфайли Наврўз нишонланмайди. Тожикистонда эса ҳамма сайилга чиқади
- Қозоғистонда коронавирус билан боғлиқ вазият ёмонлашмоқда. Карантин кучайтирилиб, вакцинация кенгайтирилмоқда. Ёздаги оғир вазият такрорланиши хавфи бор
- Қозоғистоннинг айрим ҳудудларида 1 мартдан бошлаб карантин чекловлари юмшатилади. Ўзбекистонга авиапарвозлар кўпайтирилади
Изоҳ (0)