Сувайш каналига тиқилиб қолган кема атрофини қазиш бошланди. Канал атрофида катта тирбандлик юзага келган (фото ва видео)

Сувайш каналида саёзликка «ўтириб қолган» Ever Given контейнер ташувчи кемаси атрофидаги сув тубини қазиш ишлари бошланди, деб ёзади «РБК» Сувайш канали бошқармаси хабарига таяниб.

Сув тубини чуқурлаштириш ишлари махсус кемалар ёрдамида контейнер ташувчи кеманинг ҳар томони бўйлаб олиб борилмоқда. Шунингдек, экскаваторлардан ҳам фойдаланилмоқда, улар кеманинг олд қисмидаги қумни олиб ташламоқда, улкан шатакчи кемалар эса уни каналнинг чуқурроқ қисмига тортиб боришга уринмоқда.

Голландиянинг SMIT компанияси мутахассислари воқеа жойига етиб келди ва мисрлик мутахассислар билан кемани чиқариб олиш йўлларини муҳокама қилди, улар техник масалалар бўйича маслаҳат бериши кутилмоқда.

23 март куни Сувайш каналига тиқилиб қолган кема ушбу канал орқали ҳаракатни бутунлай тўхтатиб қўйди. Дастлаб кемалар қатнайдиган йўлни очишга икки-уч кун кетиши тахмин қилинган эди. Аммо мутахассислари айни пайтда Ever Given’ни саёзликдан чиқариб олишга уринаётган Boskalis компанияси раҳбари Питер Бердовски айтишича, бунга ҳафталаб вақт кетиши мумкин. «Эҳтимол, кемадан контейнерларни, ёқилғи ва сувни олиш, шатакчилардан фойдаланиш ва қумни ювиб юбориш каби бир неча хил усулларни биргаликда қўллашга тўғри келар», — деган у.

Айни пайтда Сувайш каналида кемалар ҳаракати тўхтаб қолгани туфайли, йирик тирбандлик юзага келди. Норвегия кема эгалари уюшмаси маълумотларига кўра, Сувайш канали ҳудудида жами 150 та кеманинг ҳаракати тўсилиб қолган.

Ушбу каналга дунё юкларининг қарийб 12 фоизи тўғри келади, у Ўрта Ер денгизини Қизил денгиз билан боғлайди ҳамда Осиё ва Европа ўртасидаги энг қисқа денгиз қатновини таъминлайди.

Айни пайтда Сувайш каналининг тўсилиб қолиши оқибатидаги талафот кунига 9,5 миллиард долларга тушмоқда: экспертлар огоҳлантиришича, каналга тиқилиб қолган юк кемаси кунига 9,5 миллиард долларлик юклар, шу жумладан, озиқ-овқат маҳсулотлари ва нефть етказиб берилишига тўсқинлик қилмоқда.

Bloomberg агентлиги хабарига кўра эса, каналдаги тирбандликда қолиб кетган юклар, шу жумладан, нефть, нархи аллақачон 10 миллиард долларга етган. Шунингдек, 12 метрли контейнерни Хитойдан Европага етказиб бериш қиймати 8 минг долларгача ўсган, бу 2020 йилнинг шу даврига нисбатан қарийб тўрт марта қиммат демакдир.

Эслатиб ўтамиз, кема ҳалокати орқали канал бўйлаб ҳаракатланиш тўсиб қўйилгандан сўнг, нефть нархи кескин кўтарилган эди.

THREAD: 1) Machines and tugs have so far failed to dislodge a 200,000-metric-ton container ship stuck in the Suez Canal for a third day, increasing the chances of prolonged delays in what is arguably the world’s most important waterway. https://t.co/JM76Ba97qu via @quicktake pic.twitter.com/Cg2AopPmF2

— Bloomberg Asia (@BloombergAsia) March 25, 2021

Trouble in the Suez: A giant ship is stuck in the Suez Canal, causing a ‘catastrophic situation’ for global shipping traffic pic.twitter.com/MuS3JbFXKp

— NowThis Impact (@nowthisimpact) March 25, 2021

https://twitter.com/NHKWORLD_News/status/1375045623334965248

Watch: European and US refiners that rely on the vital waterway for cargoes of Mideast oil may be forced to look for replacement supplies should the blockage of the #SuezCanal persist, potentially boosting prices of alternative grades.https://t.co/lcW416lcbu pic.twitter.com/bpWayql0G8

— Al Arabiya English (@AlArabiya_Eng) March 25, 2021