Бухоро шаҳар бандликка кўмаклашиш марказининг мансабдор шахслари бошқа шахслар билан тил бириктириб, ҳужжатларни сохталаштириш орқали 134 миллион 200 минг сўмни талон-тарож қилгани маълум бўлди. Бу ҳақда «Дарё»га вилоят ИИБ ахборот хизмати раҳбари Шуҳрат Жалолов маълум қилди.
Таъкидланишича, вилоят ИИБга Бухоро шаҳар аҳоли бандлигига кўмаклашиш маркази мансабдорлари бошқалар билан тил бириктириб, талон-тарожликка йўл қўйгани ҳақида мурожаат келиб тушган.
Жиноятчиликка қарши курашиш зарбдор ойлиги доирасида мурожаат юзасидан вилоят ИИБ ходимлари ҳамда ҳуқуқни муҳофаза қилувчи органлар томонидан терговга қадар текширув ўтказилган.
Текширув давомида Бухоро шаҳар аҳоли бандлигига кўмаклашиш марказининг мансабдор шахслари, ўзга шахслар билан олдиндан жиноий тил бириктириб, ўзлари ва яқин танишларининг номига 5 та хўжалик юритувчи субъект ташкил қилгани ва шу орқали ишсиз фуқаролар пайвандлаш, тикувчилик ва сартарошлик касбларига ўқитилганлиги ҳамда уларга стипендиялар тайинлангани юзасидан ҳужжатлар расмийлаштирган.
Мазкур жиноятга қўл уриб, ҳужжатларни сохталаштирганлар ишсиз фуқароларга ажратиладиган иссиқхона целлофанлари ва кўчатларни етказиб бермасдан, 134 миллион 200 минг сўм бюджет маблағларини растрата қилиш йўли билан талон-торож қилган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш), 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Андижонда 50 нафар кам таъминланган фуқарога ажратилган маблағлар талон-торож қилингани аниқланди
- Андижонда «Агробанк» ходими 219,5 млн сўмни талон-торож қилгани аниқланди
- Бухорода фуқаролар номига расмийлаштирилган 215 млн сўм микроқарзни ўзлаштирган МЧЖ раҳбари ва банк ходимига жиноят иши қўзғатилди
Изоҳ (0)