Британиянинг Faradair компанияси гибрид самолётларни яратиш устида иш олиб бормоқда, деб хабар беради Hi-Tech.Mail.ru.
Мазкур самолётлар биодизель ва электродвигателли ноёб комбинацияга эгалиги сабаб гибрид деб аталади. Электродвигатель учиш ва қўниш вақтида керак бўлади, улар қуёш батареялари ёрдамида қувватланади. Биоёқилғида ишловчи двигателдан эса парвоз вақтида фойдаланилади.
Самолёт учталик коробкасимон қанотга эга — бу каби тажриба конструкциядан биринчи бор 1920 йилда фойдаланилган. Янги техника устида иш олиб борган компания келажак транспортининг экологиклигига алоҳида эътибор қаратмоқда.
Faradair самолётининг тезлиги соатига 370 километрга етади. Унинг ичида 18 та ўриндиқ жойлашган. Ишлаб чиқарувчининг сўзларига кўра, самолётнинг кўтарилиш вақтидаги шовқини 60 децибелни ташкил этади, бу фон мусиқаси ва суҳбатдаги шовқин даражасига тенг.
Биринчи тижорий парвоз 2026 йилга мўлжалланган, 2030 йилга бориб эса компания бу турдаги самолётлардан 300 донасини ишлаб чиқаришни режа қилган.
Аввалроқ Канадада гибрид учар автомобиль тақдим этилгани тўғрисида хабар берилганди.
Изоҳ (0)