24 март куни Бандлик ва меҳнат муносабатлари вазирлигида Одам савдосига ва мажбурий меҳнатга қарши курашиш миллий комиссиясининг навбатдан ташқари йиғилиши бўлиб ўтди. Йиғилиш Олий Мажлис Сенатининг Facebook’даги саҳифасида трансляция қилинган.
Йиғилишда маълум қилинишича, ходимларни ўз мажбуриятига кирмайдиган ишларга жалб этиш ҳолатлари кузатилмоқда. Хусусан, пахта терими мавсумида 42 нафар мансабдор шахс маъмурий жавобгарликка тортилган. Тегишли ҳужжатлар судга йўналтирилган.
«Статистикада қайсидир халқ таълими тизими ходими мажбурий меҳнатга жалб этилгани учун чора кўрилгани келтирилмоқда. Албатта, аниқланган ҳолатлар бўйича ходимларимизга чора кўрганмиз. Лекин бирорта халқ таълими бўлими ходими кўчани ободонлаштиришга ёки ‘темир дафтар’ни тўлдиришга ўзи топшириқ бермайди. Яъни жазо муқаррарлиги принципи фақатгина халқ таълими ходими билан чекланиб қолиши керак эмас. Унга ким топшириқ берган бўлса, унга ҳам таъсир қилиш керак. Аммо ҳозиргача статистикада халқ таълими ходимларига топшириқ берган одамга чора кўрилди, деган нарса кўрилмади. Асл сабабчиларни топиб, уларни жавобгарликка тортиш бўйича чора кўриш керак», — дейди халқ таълими вазири Шерзод Шерматов.
Бундан ташқари, Олий Мажлис Сенати раиси Танзила Норбоева болаларни мажбурий меҳнатга жалб этиш бўйича қонуний жавобгарликни кучайтириш кераклигини қўшимча қилган.
Изоҳ (0)